13-shi sáýirde 62 jastaǵy A. esimdi zeınetker gazdyń aqshasyn tóleýin surap kelgen qyzmetkerlerdiń birin ań ańlaýǵa arnalǵan myltyqpen atyp jibergen dep habarlaıdy Qamshy aqparattyq agenttigi centralasian.org-ke silteme jasap.
Oqıǵa Samarqandta bolǵan. Kúdiktige qatysty qylmystyq is qozǵaldy. Atqan adam sot sheshimi shyqqansha qamaýda bolady.
Samarqand oblystyq İİD ofıseriniń aıtýynsha, qarý tirkelmegen eken.
Mahallı belsendileri zeınetker tandyr nandy pisirýmen aınalysqanyn aıtady.
«13-shi sáýirde onyń úıine gaz kásipornynyń qyzmetkeri kelip, qarttyń naýbaıhanasy 15 mıllıon sým kóleminde qaryz ekenin aıtady. Ótken aıda onyń gazyn óshirip tastaǵan. Sonyń saldarynan zeınetker bir aıda shyǵynǵa batqan. Ol 4,5 mıllıon sýmdy taýyp, qaryzdyń bir bóligin jabady. Qalǵan qaryzdy óteý úshin ýaqyt berýdi suraǵan. Zeınetker ony bólshektep bermekshi bolǵan. Alaıda gaz kásipornynyń qyzmetkerleri onyń jeke basyna tıetin sózder aıtqan. Osydan keıin aqsaqal úıinen qarýyn alyp shyqty. Alaıda qyzmetkerler til tıgizýin toqtatpady. Olar ony qarýdyń shúrippesin basýǵa májbúr etti. Qudaıǵa shúkir, eshkim zardap shekpedi» deıdi mahallı belsendisi.