Ortalyq komýnıkasıalar qyzmetiniń dırektory Evgenıı Kochetov ujymǵa QR AKM OKQ dırektorynyń orynbasary - resmı ókili bolyp taǵaıyndalǵan Oksana Loskýtovany tanystyrdy. Oǵan deıin O.Loskýtova «Qazaqstan fýtbol federasıasy» ZTB baspasóz hatshysy qyzmetin atqardy. Bul týraly Facebook áleýmettik jelisi arqyly E.Kochetov habarlady.
Oksana Loskýtova 1980 jyly 5 jeltoqsanda Aqtóbe oblysynda dúnıege kelgen.
2002 jyly Q.Jubanov atyndaǵy Aqtóbe Óńirlik Memlekettik Ýnıversıtetin (Aqtóbe q.) «Qazaq tili jáne ádebıeti pániniń oqytýshysy» mamandyǵy boıynsha bitirdi. Bıyl «Turan-Astana» Ýnıversıtetiniń «Jergilikti jáne memlekettik basqarý» mamandyǵy boıynsha magıstratýrany bitiredi.
Eńbek jolyn 1999 jyly «Qazaqstan-Aqtóbe» telearnasynda «Armysyń, Aqtóbem!» baǵdarlamasynyń júrgizýshisi, korespondenti qyzmetinen bastady.
2006 jyly «Rıka-TV» telearnasynda jańalyqtar júrgizýshi bolyp qyzmet atqardy (Aqtóbe q.).
2006 - 2013 jyldar aralyǵynda «Astana» telearnasynda júrgizýshi, jańalyqtardyń jaýapty shyǵarýshy, tilshi bolyp jumys istedi. Sondaı-aq «Alǵa, Oksana!», «Qyran» áskerı-patrıottyq baǵdarlamalarynyń avtory jáne «Biz birgemiz – My vmeste!» áleýmettik baǵdarlamasynyń júrgizýshisi.
2013 jyly «Nazarbaev ortalyǵy» MM baspasóz hatshysy qyzmetin atqardy, al 2014 jyly «Qazaqstan Respýblıkasynyń Tuńǵysh Prezıdenti – Elbasy kitaphanasy» MM baspasóz hatshysy – jurtshylyqpen baılanys qyzmetiniń basshysy bolyp jumys istedi.
2016 jyly «Qazaqstan» RTRK» AQ baspasóz hatshysy qyzmetin atqardy.
2015 jyly «Qazaqstan Konstıtýsıasyna 20 jyl» mereıtoılyq medalimen marapattaldy.
Qazaq jáne orys tilderin erkin meńgergen.
QR Aqparat jáne komýnıkasıalar mınıstrliginiń "Ortalyq komýnıkasıalar qyzmeti" RMM dırektorynyń orynbasary-Resmı ókili qyzmetin atqarǵan Murat Jumanbaı basqa jumysqa aýysty.