Mıllıon dollar para alǵan shendi bosatylǵanyn depýtat qup kóredi

    Nurgali Nurtay
    Mıllıon dollar para alǵan shendi bosatylǵanyn depýtat qup kóredi

    QR Parlament Májilisiniń depýtaty Vladıslav Kosarev "Qorǵas" SHYHO eks-prezıdenti Vasılıı Nıdiń qylmystyq jaýapkershilikten bosatylýyn durys dep esepteıdi, - dep habarlaıdy Qamshy aqparattyq agenttigi Tengrinews.kz jańalyqtaryna siltep.

    "Qazir bizde aqshany qaıtarsa, bosatýǵa bolady degen quqyq bar. Menińshe, bar. Aqshany qaıtarsyn da, kete bersin", - dedi ol jýrnalıserdiń suraǵyna jaýap berip jatyp.

    Eske salaıyq, osyǵan deıin mıllıon dollar para alǵan jerinen ustalǵan "Qorǵas" SHYHO burynǵy prezıdenti Vasılıı Nı qylmystyq jaýapkershilikten bosatylǵany habarlanǵan. Bul týraly Almaty qalasynyń qylmystyq ister boıynsha sot alqasynyń tóraǵasy Baqytjan Qarmanovtyń resmı saýalǵa bergen jaýabynda aıtylady. Sondaı-aq, ınvestorlarmen jumys bóliminiń basshysy Mahabbat Saıdýllaevanyń da qylmystyq jaýapkershilikten bosatylǵany belgili boldy.

    "Prokýrordyń ótinishi boıynsha jáne sottalýshylardyń osyǵan deıin sotty bolmaýyna, jumys orny men turǵylyqty jerinen jaǵymdy pikirler bolǵandyqtan jáne sottalýshy Saıdýllaeva Mahabattyń asyrap alǵan kishkentaı balasy bolýyna baılanysty sot QR Qylmystyq kodeksiniń 65-babynyń 1-bóligi negizinde ("Shynaıy ókinýine baılanysty qylmystyq jaýaptylyqtan bosatý") jaýapkershilikten bosatty", - dedi sottaǵylar resmı saýalǵa bergen jaýaptarynda.

    Eske sala keteıik, 5 qyrkúıekte "Qorǵas" SHYHO prezıdenti mıllıon dollar para alyp jatqan jerinen ustalǵan bolatyn. Ol osy para úshin ınvestısıalyq tenderdiń nátıjelerin sheship berý úshin alǵan delingen edi.

    Qatysty Maqalalar

    Bárimiz qazaqpyz ǵoı!

    Bárimiz qazaqpyz ǵoı!

    12:57, 06 naýryz 2025