Ortalyq komýnıkasıalar qyzmetinde «EXPO-2017» halyqaralyq kórmesin ótkizý kezeńinde qaýipsizdik sharalary men quqyq tártibin qamtamasyz etý jáne halyqty habardar etýge arnalǵan baspasóz konferensıasy ótti. Baspasóz konferensıaǵa QR İİM Ákimshilik polısıa komıteti tóraǵasynyń orynbasary Talǵat Musaqanov, QR İİM Memlekettik til jáne aqparat departamentiniń dırektory Almas Sadýbaev qatysty dep habarlaıdy Qamshy aqparattyq agenttigi QR İİM Baspasóz qyzmetine silteme jasap.
İİM ózge de quqyq qorǵaý organdary, arnaıy qyzmetter, sondaı-aq Astana qalasy ákimdigimen birge EKSPO kórmesine ázirlik jáne ony ótkizý kezinde quqyqtyq tártip pen qoǵamdyq qaýipsizdikti qamtamasyz etý boıynsha keshendi sharalar qabyldaýda.
Jedel basqarý jáne týyndaǵan máselelerdi tez sheshý úshin Vedomstvoaralyq shtab quryldy. Osyndaı shtabtar elordada jáne óńirlik İİD-de jasaqtaldy.
Kórme ashylmastan bir aı buryn uıymdastyrýshy keńse ǵımaratynda Qaýipsizdikti qamtamasyz etý ortalyǵy óz jumysyn bastaıdy, bul ortalyqpen İİM-de qurylǵan vedomstvoaralyq jumys toby tyǵyz baılanys jasap, kórme barysynda týyndaǵan máselelerdi tikeleı sheship otyratyn bolady.
EKSPO aýmaǵynda Polısıa bólimi, al kórme aýdanynda Órt sóndirý deposy quryldy, sondaı-aq Astana áýejaıynda jáne jańa temirjol vokzalynda jelilik polısıa bólimi jumys isteıdi.
Qoǵamdyq tártipti kúzetýge jalpy 5 myńnan astam qyzmetker tartylady, Sonyń ishinde 3300-i áskerı qyzmetker, İİM oqý oryndarynyń 500 kýrsanty jáne ofıseri, sonymen birge jeke kúzet uıymdarynyń 630 qyzmetkeri jáne shet tilin erkin meńgergen elimizdegi JOO-nyń 174 stýdenti bar.
Bul qurylymdardyń barlyǵy qaýipsizdikti saqtaý jáne tekserý júrgizý boıynsha, sondaı-aq aǵylshyn tilinen arnaıy oqý kýrsynan ótken. Buǵan qosa Astana qalalyq İİD-niń shet tilin biletin 200 qyzmetkeri iriktelip, árbir EKSPO nysanyna bekitildi.
Astana qalasy TJD-niń 100 shaqty qyzmetkeri, 11 tehnıkalyq birlik jáne 5 tik ushaq tótenshe jaǵdaılardy eskertý jáne órt qaýipsizdiginiń aldyn alý boıynsha arnaıy toptyń quramyna endi.
Aǵymdaǵy jylǵy 1 maýsymnan kórme aıaqtalǵansha ishki ister organdarynyń jeke quramy kúsheıtilgen qyzmet kestesine kóshiriledi.
EKSPO aýdanynda qaýipsizdik aýmaǵy ornatylady, oǵan arnaıy jáne akkredıttelgen kólikterden basqa júk kólikteriniń kirýi shekteledi.
Sonmen qatar, elorda aýmaǵy boıynsha kiretin kólikterge tekserý júrgizýge qatysty barlyq «Rýbej» beketterinde kúsheıtilgen qaýipsizdik sharalary bekitiledi.
1qańtardan bastap ekonomıkasy damyǵan 45 eldiń azamattary úshin 30 kúnge deıingi vızasyz keste enzigildi. Olar sondaı-aq polısıaǵa tirkelýden de bosatylǵan, olarǵa tirkelý shekaradan ótken boıda júrgiziledi.
EKSPO-nyń qatysýshylary men qonaqtary tirkelýdi onlaın júıesinde júrgize alady, bul óz kezeginde tirkelý sharalaryn jeńildetip, oǵan ketetin ýaqytta birneshe mınýtqa deıin azaıtady.
Astana qalasyndaǵy áýejaıda jáne biryńǵaı qyzmet kórsetý ortalyǵynda kóshi-qon sharalarynan ótý úshin kórmede kóshi-qon qyzmetiniń beketteri uıymdastyrylady.
Aıta keteıik, kórmege 5 mln.adam keledi dep kútilýde, onyń 15% álemniń ár túkpirinen keletin týrıser, 85% Qazaqstannyń barlyq óńirinen keletinder, 120 el jáne 12 halyqaralyq uıym ózderiniń kórmege qatysatyndaryn naqtylady.