«BİR SEN ÚSHİN...» FILMİNİŃ JABYQ KÓRSETİLİMİNDE KÓRERMEN UZAQ QOL SOQTY

    Nurgali Nurtay
    «BİR SEN ÚSHİN...» FILMİNİŃ JABYQ KÓRSETİLİMİNDE KÓRERMEN UZAQ QOL SOQTY

    24 sáýirde Azamat Satybaldynyń «Bir sen úshin...» fılminiń jabyq kórsetilimi bolyp, ónersúıer qaýymǵa tanystyryldy dep habarlaıdy Qamshy aqparattyq agenttigi tilshisi.

    Fılmniń tusaýkeser kórsetilimine Almaty qalasynyń ákimi Baýyrjan Baıbek,  aqsaqal akter Asanáli Áshimov pen kóptegen óner adamdary, BAQ ókilderi qatysty.

    Qazaqstannyń eńbek sińirgen qaıratkeri, Qazaqstan Jastar odaǵy syılyǵynyń laýreaty Azamat Satybaldy men aktrısa Zarına Karmenovalar basty rolderin somdaǵan «Bir sen úshin...» fılminiń kórsetiliminde kóz jasyna erik bergender boldy, fılm aıaqtaǵannan keıin kórermen qaýym uzaq qol soqty.

    Fılm týraly Azamat Satybaldy «Bul armannan týǵan dúnıe, rejıser Ardaq Tóleýbaı ekeýimiz úsh jyl buryn saparda jıi birge boldyq. Sol kezde osy fılmniń ıdeıasy týdy. Ushaqtaǵy gazette jazylǵan statısıkany qarasaq Qazaqstan álemde ajyrasýdan 27 oryn alady eken. Onyń kóbi jastar. Nege ekenin zerttedik biraz, sóıtsek qazir bizdiń jastarda úmit joq eken, senim joq, arman joq, mahabbat joq. Sondyqtan da biz jastarǵa oı salatyn otbasy týraly fılm túsirýge nıettendik.  Meni qoldaǵan barsha áriptesterime alǵys aıtamyn. Kıno kóptiń eńbegi.», - dedi. Onyń aıtýynsha fılmde jumys istegenderdiń barlyǵy negizinen debútant bolyp tabylady. Azamat Satybaldy prodúser retinde, Ardaq Tóleýbaı rejıser retinde osy fılmde alǵash ret baq synady.

    «Cinema 28» dep atalatyn jańa kınostýdıa usynǵan jańa qazaqsha melodramada basty róldi somdaǵandar ózderine rólderiniń qıynǵa soqpaǵanyn aıtady. Olar buǵan deıin de teatr salasynda istes bolǵan. Buǵan deıin Azamat Satybaldy men Zarına Karmenova Erǵalıevtiń «Qas qaǵym» tragedıasy men Volodınniń «Qoshtasqym kelmeıdi...» dramasynda birge oınaǵan.

    Ózekti otbasylyq máselelerdi qamtyǵan fılmniń uzaqtyǵy 98 mınýt. Fılm negizinen Almaty qalasynda, Almaty tóńireginde, ótken jyldyń jaz maýsymynan bastap túsirilgen. Fılmniń kompozıtory Ushqyn Jamalbek, senarı avtory Lázzat Túlkibaeva, Qoıýshy operatory Jantaı Qydyrálıev, Qoıýshy sýretshisi Nazıra Baıbekova. Fılmniń tusaýkeser kórsetilimi búgin Astanada, erteń 26 sáýirde Qostanaıda ótedi.

    Qalyń kórermenniń esine sala ketetin bolsaq, 27 sáýirden bastap «Bir sen úshin» otandyq melodramasy aınalymǵa shyǵady.

    Qatysty Maqalalar

    Bárimiz qazaqpyz ǵoı!

    Bárimiz qazaqpyz ǵoı!

    12:57, 06 naýryz 2025