EKSPO-2017 aıasynda aýqymdy mádenı-buqaralyq baǵdarlama daıyndaldy

    Assem Almuhanbet
    EKSPO-2017 aıasynda aýqymdy mádenı-buqaralyq baǵdarlama daıyndaldy
    Elorda ákimdigi EKSPO-2017 halyqaralyq mamandandyrylǵan kórmesin ótkizý aıasynda aýqymdy mádenı-buqaralyq baǵdarlama daıyndady dep habarlaıdy Qamshy aqparattyq agenttigi Astana qalasynyń ákimdiginiń Baspasóz qyzmetine silteme jasap.
     
    Atap aıtqanda, aýqymdy sharalar qatarynda halyqaralyq festıváldermen kórmeler, otandyq jáne álemdik estrada juldyzdarynyń konsertteri, klasıkalyq jáne halyq mýzykasynyń konsertteri, premeralar, sırktik qoıylymdar, «Báıterek» monýmentiniń aldyndaǵy alańdaǵy jáne Qalalyq alańdaǵy, barlyq saıabaqtardaǵy halyqtyq serýen formatyndaǵy sharalar bar. Jaz aılarynda elorda turǵyndary men qonaqtary qyzyqty mádenı baǵdarlama tamashalaıdy, óıtkeni ústimizdegi jyly Elorda kúnin merekeleý «Astana EKSPO-2017» halyqaralyq kórmesin ótkizýmen tuspa-tus keledi, deıdi Mádenıet, muraǵattar jáne qujattama basqarmasynyń mamandary.
     
    Aldaǵy EKSPO kórmesi mańyzdy oqıǵa bolyp tabylady, onyń barysynda halyqaralyq qoǵamdastyq ókilderine elimizdiń basty jetistikteri men damý perspektıvalary kórsetiledi. Qazaq halqynyń basty jetistikteriniń biri baı mádenı mura, tarıh pen urpaqtan urpaqqa jalǵasyn taýyp kele jatqan salt-dástúrler bolyp tabylady. Damyǵan órkenıetti qoǵam jergilikti mádenıetke jáne qazaq fólkloryna asqan qyzyǵýshylyq tanytýda, kórme ótetin kezeńde elorda aýmaǵynda uıymdastyrylatyn mádenı-buqaralyq sharalar baǵdarlamasyn jasaýǵa basty negiz bolǵan da osy.
     
    Birinshi kezekte uıymdastyrýshylar qazaq halqynyń jarqyn týrısik kórinisin jetkizetin sharalardy eskerdi, onyń ishinde «Astanaǵa tartý» dástúrli qazaq mýzykasynyń konserti, «Músháıra» respýblıkalyq aqyndar konkýrsy, «Shashý» halyq bıiniń halyqaralyq festıvali, «Serper» halyq aspaptary orkestrleriniń festıvali jáne «Astana samaly» úrmeli aspaptar orkestri, qazaq halqynyń dástúrli sýsyny – qymyzǵa arnalǵan Qymyzmuryndyq merekesi, «Astana Arqaý» túrki mýzyka festıvali, bıyl Ázirbaıjan Mámbetovke arnalǵan V «Sahnadan sálem» halyqaralyq teatr festıvali, jáne t.b. bar.
     
    Aıta keteıik, oıyn-saýyq sharalarynyń basym bólgine astanalyq shyǵarmashylyq ujymdar tartylǵan. Elordalyq teatrlardyń, fılarmonıanyń, sırk pen qalanyń basqa da mádenı mekemeleriniń artıserin búginde álemdik qoǵam moıyndaǵan, olar jetekshi halyqaralyq alańdarda elimizdiń ımıjin kóterip, EKSPO kórmesi barysynda óner kórsetýge adıyn. Munymen qosa, konsertterge etnomádenı birlestikterdiń ujymdary men Qazaqstannyń túrli óńirlerinen shyǵarmashylyq ansámblder qatysady.
     
    Jyl saıyn qala turǵyndary men qonaqtarynyń demalysyn josparlaý kezinde qala bıligi sharalardyń qoljetimdiligine basa nazar aýdarady. Bul joly mádenı-buqaralyq baǵdarlamalardyń basym bóligi elorda turǵyndary men qonaqtaryna yńǵaıly bolýy úshin ashyq alańdarda ótedi.
     
    Mysaly, Sýly-jasyl jelekjolda kreatıvti ıdeıalardyń zamanaýı alańy Astana Art Fest festıvali ótedi. Qalalyq saıabaqtarda demalys saıyn otbasylyq demalysqa arnalǵan Astana Park Land sharasy ótkiziledi, Esil ózeniniń jaǵasyndalazerlik shoý men sýburqaqtar shoýyn, sondaı-aq, «Esil keshteri» konsertterin tamashalaýǵa bolady.
     
    Astana qalasynyń mańyndaǵy toǵyz turǵyn alaby da nazardan tys qalmaıdy. Barlyq turǵyn alaptarynda tanymal qazaqstandyq artıserdiń qatysýymen «Dýmandy Saryarqa» baǵdarlamasy uıymdastyrylady.
     
    Sonymen qatar, elordada belgili estradalyq, elektrondy mýzyka, rok jáne jaz konsertteri, sonymen qatar, International Street Dance Session kóshe bıi festıvali ótedi. Sharalardyń barlyǵyna kirý - tegin.
     
    Ákimdik kórermender nazaryna EKSPO kórmesi aıasynda alǵash ret ótkiziletin birqatar jańa jobalardy usynbaq. Atap aıtqanda,mýzyka ónerine qosqan eleýli úlesi úshin nagradalar tabystalatyn «Astana Daýysy» halyqaralyq mýzyka festıvali, alǵash ret qytaılyq kýng-fý shoýy ótedi. Budan basqa, KVN oıynynyń tarıhynda alǵash ret reseılik júrgizýshi Aleksandr Maslákov Qazaqstannyń elordasynda Joǵary lıganyń sońǵy jyldardaǵy chempıondarynyń arasynda Jazǵy kýbokty sarapqa salady. Oıyn Astanada 1 shildede ótedi, chempıonat Birinshi arnadan tikeleı efırde kórsetiledi. Týǵan jeri – Qazaqstanda kópshilikke tanymal bolǵan artıser de nazardan tys qalmaıdy, deıdi uıymdastyrýshylar.
     
    Oqıǵalar tizimin otandyq estradanyń eńbek sińirgen qaıratkerleriniń konsertteri qorytyndylaıdy – Álibek Dinishev, Seken Turysbek, Altynbek Qorazbaev, sondaı-aq, bıyl qurylǵanyna 15 jyl bolatyn «Mýzart» ansambli, Tursynbek Qabatovtyń ázil-syqaq keshi ótedi. 

    Qatysty Maqalalar

    Bárimiz qazaqpyz ǵoı!

    Bárimiz qazaqpyz ǵoı!

    12:57, 06 naýryz 2025