Osydan 1 jyl buryn Elbasy Reseı delegasıasymen kezdesken edi. Sol jıynda Astrahan oblysynyń gýbernatory Aleksandr Jılkın Nursultan Nazarbaevqa Atyraý- Astrahan tas jolynyń múshkil halde ekenin aıtqan edi.
Aıta ketetin bolsaq, Atyraý-Astrahan tas jolynda joldyń óte nashar bolýyna baılanysty kóptegen kólik apaty oryn alǵan.
Atalǵan máseleni Reseı Federasıasynyń prezıdenti Pýtın kótergen. Elbasynyń tapsyrmasymen bul qurylys 2016 jyly aqpan aıynda bastalyp, qurylys kezinde 2 myńnan astam adam jumyspen qamtamasyz etilýi múmkin dep josparlanǵan. Biraq qazir tas jolǵa jóndeý jumystary jasalmaǵan dep pikir bildiredi Atyraý oblysynyń turǵyndary. Bul tas joldyń boıynda Atyraý oblysynyń Aqqystaý, Chapaev, Ganúshkın sekildi aýyldar ornalasqan. Oblys turǵyndary joldyń jóndelmegendiginen aýyldar arasynda kólikpen qatynaý qıyn ekendigin jetkizdi.
Atyraý obylysynyń turǵyndary Astrahan obylysyna oqýǵa, saýda-sattyqpen aınalysý úshin jıi barady. Sondyqtan bul tas joldyń tezirek jóndelgenin qalaıdy jergilikti turǵyndar.