30 sáýir kúni (bast. 17.00 de) M.Áýezov atyndaǵy Qazaq Memlekettik akademıalyq drama teatrynyń úlken zalynda Qazaqstannyń halyq artısi Áshiráli Kenjeevti eske alý keshi ótedi dep habarlaıdy Qamshy aqparattyq agenttigi teatrdyń "baspasózben jumys jasaý"bólimine silteme jasaı otyryp.
Áshiráli Kenjeuly 1946 jyly 6 qańtarda Ońtústik Qazaqstan oblysy, Keles aýdany, Kóltoǵan aýylynda dúnıege kelgen. 1964 jyly Almatydaǵy Qurmanǵazy atyndaǵy óner ınstıtýty teatr fakúltetiniń akter bólimine KSRO halyq artısi, KSRO Memlekettik syılyqtyń laýreaty, profesor Hadısha Bókeevanyń sheberhanasyna túsedi. Stýdent kezinen-aq erekshe darynymen tanylǵan Á.Kenjeuly ınstıtýttyń 4 kýrsynda oqyp júrip, M.Áýezov atyndaǵy drama teatryna qyzmetke qabyldanady.
Sol jyldardan beri Á.Kenjeuly 33 jyl boıy teatr ónerine jan aıamaı qyzmet etti, osy teatrdyń sahnasynan túspedi. Shyǵarmashylyq ǵumyrynda ol Qozy («Qozy Kórpesh-Baıan sulý»), Alshaǵyr («Qaraqypshaq Qobylandy»), Kótibar («Aıman-SHolpan»), Keńgirbaı («Eńlik-Kebek»), Abaı («Abaı-Áıgerim»), Shoqan (Shoqan Ýálıhanov), taǵy da basqa beınelerdi sátti somdap, sheber oıyny kórermender júregine uıalady.
Áshiráli Kenjeuly jasaǵan júzden asa keıipkerleriniń árqaısysy ózindik dara minezimen, bolmysymen erekshelenedi. Sheber sahnagerdiń shyǵarmashylyǵynyń sońǵy kezeńinde oryndaǵan Mard («Tomırıs»), Qunanbaı («Abaı-Toǵjan») beıneleri aıryqsha kózge túsip, mamandar tarapynan joǵary baǵa aldy. Óner úshin týyp, sahna úshin jaralǵan jaıdary minezdi, adamı qasıetteri joǵary Á.Kenjeuly barlyq ortada syıly boldy, aınalasyndaǵylar qurmet tutty.
Qazaq sahna ónerine qosqan úlesi úshin ol 1982 jyly Qazaqstannyń eńbek sińirgen artısi, 1998 jyly Qazaqstannyń halyq artısi ataǵyn aldy.