Belgili bir orynǵa jetý úshin taksı nemese jeke júrgizýshilerdi izdeý, shaqyrý qyzmetteri boıynsha onlaın jumys isteıtin Uber kompanıasy 2020 jylǵa qaraı óziniń ushatyn avtokólikterin usynatyny jaıly málimdedi, dep habarlaıdy Qamshy aqparattyq agenttigi USA Today-ge silteme jasap.
«Qala ishindegi avıasıa - Uber kompanıasynyń kezekti qadamy» dep habarlady ónimderdi usyný bóliminiń bas meńgerýshisi Djeff Holden.
Ushatyn avtokólikterdi qoldanysqa engizý adamdardyń ýaqytyn tıimdi paıdalanýǵa jáne joldaǵy keptelis sanyn azaıtýǵa óz septigin tıgizedi. Qorshaǵan orta men aýanyń lastanýyna birshama shekteý qoıady. Uber kompanıasy «tetikti bas ta, ush» degen múmkindik shyndyqqa aınalýy úshin jumys istep jatyr dep habarlady.
Kompanıa josparymen bólisken jańa úlgidegi kólikterdi Dýbaıda ótetin álemdik deńgeıdegi World Expo-2020 kórmesine usynatynyn málimdedi.
Aıta keteıik, Uber taksı álemniń 70 memleketiniń 570 qalasynda qoldanysqa ıe.
Aýdarǵan: Aıgerim TAÝBAI