Cýrette qaıǵydan qan jutqan Sherrı Kent óziniń 22 jastaǵy ólim aýzynda jatqan balasymen qoshtasyp jatyr. Dál osy sáte ol óziniń balasyna onymen maqtanatynyn aıtyp jatyr. Kanadalyq áıel bul sýretti óziniń balasy urynǵan qatelikke basqalary urynbasa eken degen nıetpen áleýmettik jelide taratqan. Bul týraly Qamshy aqparattyq agenttigi life.ru-ǵa silteme jasap habarlaıdy.
Osydan bir aı buryn Sherrıge týǵan balasynyń aýrýhanaǵa túsip qalǵany týraly habar kelgen. Onyń balasy Maıkl esirtkini mólsherden tys qabyldap jansaqtaý bólimine túsip jasandy apparat arqyly ómiri qamtamasyz etildi.
Sherrı ulynyń eshqashan esirtkige áýes bolmaǵanyn aıtady. Kanadada esirtki satýmen aınalysatyn uıymdardyń kóp ekenin aıtyp, apta saıyn osy dertten alty-jeti adam kóz jumatynyn jetkizgen. Áıeldiń sózine qaraǵanda, ulyna esirtki bergen adam ony dárethanada ólýge tastap ketken. 20 mınýt boıy ol Maıkldyń qasyna barýǵa qorqyp jaqyndamaǵan. Tek Maıkl talyp qalǵan dúkenniń ıeleri kelip jedel járdem shaqyrtqan. Ol kezde Maıkldyń júregi toqtap qalǵan.
Maıkl qaza tabýyna sebepshi bolǵan esirtki- fentalın. Fentalın – Kanadada taralǵan esirtkilerdiń ishindegi eń kóp qoldanystaǵysy jáne qaýiptisi.
