Jaqynda Qazaqstannyń qarýly kúshterinde áskerı qyzmetkerlerdiń otbasymen sýısıdtik áreketter men dinı ekstremızmniń aldyn-alý sharalary ótkizilgen. Bul týraly Qazaqstannyń Qorǵanys mınıstri Sáken Jasuzaqov QR Májilis Parlamentindegi úkimet saǵatynda habarlaǵan. Mınıstr Úkimet saǵatynda áskerı qyzmetkerlerdiń meshitke barýyna qatysty da pikir bildirdi dep jazady Qamshy aqparattyq agenttigi.
Reseılik golosislama.com saıtynda Ikramýtdın Hannyń "Mechet - zlo dlá mınıstra oborony Kazahstana?" (Meshit Qorǵanys mınıstri úshin zulymdyqtyń ordasy ma?) atty maqalasy jaryq kórdi. Onda Qazaqstannyń Qorǵanys mınıstri Sáken Jasuzaqovtyń áskerı adamdardyń meshitke barýyna qatysty aıtqan pikirin synǵa aldy.
Aıta keteıik, Qazaqstannyń qorǵanys mınıstri Sáken Jasuzaqov parlament Májilisiniń depýtattaryna soldattar armıada meshitke barmaıtynyn aıtqan.
«Bizdiń aramyzda meshitke baratyn nemese taǵy birdeńe isteıtinder joq. Soldattar bir jylǵa armıaǵa shaqyrtylady. Bir jylda ol ýaqytyn kazarmada ótkizedi jáne áskerı bilim alady. Basqasyna ýaqyty joq» dedi Sáken Jasuzaqov.
"Taǵy birdeńe isteıdi" degendi qalaı túsinýge bolady? Bálkim mınıstr qyzmeti kezinde bes ýaqyt namaz oqýdy meńzegen bolar? Meshitke barýǵa osyndaı kózqarasta bolsa, oǵan túbegeıli tyıym salýy da múmkin ǵoı.
Nursultan Nazarbaevtyń uzyn saqal men qara kıimge tyıym salý týraly pikirinen keıin respýblıkada prezıdenttiń atap aıtqandarǵa ǵana qatysty emes (basqa tústi hıdjapty kıýge bolady, al saqaldy bir qalypqa keltirýge bolady), budan da qatal qadamdarǵa barýy múmkin. Qorǵanys mınıstriniń áskerı qyzmetkerlerdiń meshitke barýyn durys emes dep esepteıtindigi soǵan dálel.
Reseılik saıt Reseıde ár áskerı bólimniń janynda shirkeý bar ekenin jazady. Soldattardy keıde kúshtep shirkeýge barǵyzady eken. Shirkeý qyzmetkerleri áskerılerge «qasıetti sýyn» shashady. Bul áskerıdiń dinge degen kózqarasy men qalaýynan tys júredi.
Osyǵan baılanysty "Golos Islama" qazaqstandyq mınıstrge "Qaqtyǵyz bola qalsa, ómir men ólimge dinı kózqaraspen qaraıtyn ásker me, álde Jasuzaqov qurǵysy keletin ateıser armıasy jeńiske jete me?" dep suraq joldaıdy.
