Internet tehnologıasynyń múmkindikterin tolyq paıdalaný maqsatynda, Qamshy saıt júıesine tehnıkalyq jańalyqtardy qosty dep habarlaıdy Qamshy aqparattyq agenttigi. 

Qamshy.kz oqyrmandaryna tómendegideı tehnıkalyq jańalyqtaryn qýana habarlaıdy.

1. Úsh álipbıde (latyn, tóte, kırıll) aqparat taratý fýnksıasy jańartyldy ári kemeldendirildi.  Qazaq tiliniń ár kezeńde qoldanǵan grafıkalary Álemniń ártúrli aýmaqtaryndaǵy oqyrmandarymyzdyń bizden erkin aqparat alýyn qamtamasyz etedi.

2. Aýdıoly aqparat fýnksıasy iske qosyldy.  Qamshy jańalyqtaryna budan bastap aýdıopodkast júıesin qosty. Endi siz ózge sharýańyzdy istep otyryp ta Qamshydan jedel ári ózekti aqparat ala alasyz. Ol úshin maqalalar taqyrypshasy shetine ornalasqan oınatý belgishesin túrtseńiz bolǵany.

3. Keri baılanys. Maqala jarıalaǵan avtorlar nemese mekeme men oqyrman arasynda tike baılanys ornatylady. Budan bylaı materıal usynýshy qalasa maqalaǵa qaldyrylǵan pikir birden avtor tarapynyń elektrondy poshtasyna kelip túsedi. 

4. Maqalany baǵalaý júıesi qosyldy. Qamshy aqparattyq agenttigi oqyrman pikirin eskerý maqsatynda saıtqa jarıalanǵan materıaldar sońyna baǵalaý júıesin qosty. Budan bylaı siz ózińiz oqyǵan materıaldarǵa baǵalaý jasaı alasyz.

Qurmetti oqyrman, Qamshy Sizderge aqparattyq qyzmette aıanyp qalmas úshin tehnıkalyq múmkindikterin budan da ozyq deńgeıge jetildirýge jumys isteıdi. Qolyńyzdan «Qamshy» túspesin!