Qoǵam qaıratkeri, belgili aqyn Oljas Súleımenov Uly Otan soǵysynyń jeńipazdaryna arnalǵan forým kezinde sóz sóıledi. Qazaqqa tanymal aqyn Oljas Súleımenov úshinshi dúnıejúzilik soǵystyń bolatynyn eskerte kele, halyqty birlikke shaqyrdy dep habarlaıdy Qamshy aqparattyq agenttigi sputniknews.kz-ke silteme jasap.

«Uly Otan soǵysy tańqalarlyq jáne adam shoshytarlyqtaı nátıje ákeldi. Bul ortaq qaıǵyny jasaýǵa bizdiń baýyrlas halyqtar da óz úlesin qosqan edi. Biz úshinshi dúnıejúzilik soǵystyń qarsańynda turmyz. Bizdiń árqaısysymyz osy týraly habardar bolýymyz kerek. Kez-kelgen saıası qatelik birligimizge nuqsan keltirýi múmkin. Biz osyndaı masqara soǵys qaıtalanbasyn dep Jeńis meıramyn toılaımyz»-, dedi Oljas Súleımenov Astana qalasyndaǵy Uly Otan soǵysynyń jeńimpazdaryna arnalǵan forýmda.

Sonymen birge aqyn soǵys kezinde qazaq halqynyń qandaı erlikterge barǵandyǵyn  da atap ótti. 300 myńnan astam qazaq batyrlary jaý oǵyna keýdesin tosyp, óz ómirlerin qurban etti. Uly Otan soǵysynyń jeńimpazdaryna arnalǵan halyqaralyq forým Qazaqstannyń astanasynda alǵash ret bolyp otyr.