Toǵyz jastaǵy almatylyq Alına Sansyzbaı reseılik áıgili “Golos” shoýynyń balalarǵa arnalǵan nusqasynda úshinshi oryn aldy dep habarlaıdy Qamshy aqparattyq agenttigi stan.kz-ke silteme jasap.

Ánshi qyz sahnaǵa shyǵar aldynda Núsha óziniń shákirti týraly aıtyp berdi. “Ol ózine senimdi qyz. Onyń ishki qýaty bar, ne qalaıtynyn biledi”, – dedi ánshi.

Fınalda almatylyq qyz úsh án oryndady. Ol Konstantın Meladze oryndaıtyn Polına Gagarınanyń repertýaryndaǵy “Shagaı” ánin, sosyn Alına jáne Núshanyń komandasyndaǵy taǵy eki qyz “Vybırat chýdo” ánin oryndap shyqty.

Osydan soń telekórermender tikeleı efırde Núshanyń qaramaǵyndaǵy úsh ánshiniń úzdigin tańdaýy tıis boldy. Nátıjesinde Alına 42,7 paıyz daýys alyp, fınaldyń ekinshi kezeńine joldama aldy.

Jas qazaqstandyq ónerpaz Ýıtnı Hústonnyń “Queen of the Night” ánin aıtty. Bul joly da kórermender daýys berip, 15,9 paıyz daýys alyp, úshinshi orynǵa ıe boldy.

Al jobany Dıma Bılannyń shákirti bolǵan Elızaveta Kachýrak jeńip aldy.