Elimizde Dımash jaıly kitap jaryqqa shyqty

/uploads/thumbnail/20170710044648160_small.jpg

Belgili aqyn, fılologıa ǵylymdarynyń kandıdaty Ońaıgúl Turjan Dımash Qudaıbergen jaıly esse-kitabyn jaryqqa shyǵardy dep habarlaıdy Qamshy aqparattyq agenttigi stan.kz-ke silteme jasap.

“Mýzyka týraly tek mýzykatanýshylar jazsyn degen ereje bar bolsa, men ol erejeden keshirim suraımyn. Dımash jandúnıemizdegi jansyz qalǵan dúnıelerimizdi qozǵap jiberdi. Biz Dımashty tyńdaı júrip, án tyńdaýdyń da jańa orbıtasyna kóterildik. Imıj jaıly jaq ashpaǵan kezeńderimizde qansha nárse joǵalttyq ózi? Dımashtyń ımıji jaıly jazbaý múmkin bolmaı qaldy. Biz tipti kórermen týraly bir aýyz áńgime aıtpappyz. Basqa halyqtyń kórermeni kórermen sıaqty da, bizdiń qazaqtyń kórermeni solardyń kórermenine qol soǵýshy sıaqty. Endigi jerde olaı bolmaıdy.

Zalda otyrǵan myna Siz de, sol zaldan shyǵyp bara jatqan Ol da ónerge qanat bitirgen qudyretter. Dımashtyń ónerine qol soqqan qol shapalaǵymyzdyń úni kúlli álemdi jalt qaratqandaı. Biz tipti Dımash arqyly ózimizdi basqasha sezine bastadyq.

Al Dımashtyń ózi sheberligin qalaı shyńdady? Jas talanttardy qabiletin syndyryp almaı, sheberlik shyńyna jetkizýge bola ma? Meniń «Dımash» atty esse-kitabym osy jáne basqa da máselelerdi qozǵady. Oı qosyp, pikir bólisken Dımashtyń ata-anasy Qanat pen Svetlanaǵa zor alǵysymdy aıtamyn. Bul jańa týyndym óleń emes, esse. Joǵaryda aıtylǵan máselelerdi qozǵaǵan jańa stıldegi dúnıe. Oqımyn deseńiz – marhabbat. Taıaý kúnderi «Meloman», «Flip.kz» kitap saýda jelisi arqyly saýda oryndaryna túsedi. Mundaı jelidegi dúkeni joq qala, aýyldardaǵy oqyrmandarym feısbýk, ınstagram jelileri arqyly jekege ózime habarlassa bolady, kómekshi qyzdarym satýdy uıymdastyryp jatyr”, – deıdi avtor.

Pikir qaldyrý

Qatysty Maqalalar