Shveısarıalyq álpınıs Ýelı Stek Everestti baǵyndyrý barysynda qaza boldy dep habarlaıdy Qamshy aqparattyq agenttigi AFP silteme jasap.

Ýelı Stek planetanyń ózge de shyńdaryn baǵyndyryp úlgergen 40 jastaǵy álpınıs edi. Onyń tabandylyǵy men kúsh-jigerine baılanysty «Shveısarıa mashınasy» degen laqap aty bar. 2015 jyly Ýelı Stek Alpi jotalarynyń 4000 metrden joǵary 82 shyńyn 62 kúnniń ishinde baǵyndyrǵan bolatyn.

«Nýpse shyńynda qaıǵyly jaǵdaı oryn aldy, Ýelı Stek taıyp qulaǵan bolýy kerek», - dep málimdedi Nepal Álpınızm Federasıasynyń basshysy Ang Serıng Shepra.

Everest – Jerdiń eń bıik núktesi (teńiz deńgeıinen 8848 m). Tarıhta osy shyńdy baǵyndyram dep qaza tapqandar sany 280-nen asady. Bıiktigi óte joǵary aımaqta qaza bolǵandardyń denesi keıde sol orynda qalyp jatady. Sebebi, jyljytý quraldarynyń shamasy atalǵan bıiktikte jumys isteı almaıdy. 

Aýdarǵan:  Alına Bolatbek