Osydan 16 jyl buryn «Bıngo shoý» baǵdarlamasynan 25 mln. rúbl jeńip alǵan jumyssyz otbasynyń qazirgi jaǵdaıyn kóz aldaryńyzǵa elestetip kórińizder. Jo-joq, siz qatelestińiz. Olar qazir siz elestetkendeı shalqyp ómir súrip jatqan joq. 25 mln. rúblden  qazirgi ýaqytta túk te qalmaǵan.  Bul qýanyshty jańalyqty joly bolǵysh otbasy birneshe aılap emes, birneshe jyl boıy toılaǵan dep habarlaıdy Qamshy aqparattyq agenttigi.

Osyndaı úlken kólemdegi aqshadan eshkim bas tartpasa da, kóbisi durys jumsaı almaıdy. Sizdiń qolyńyzda mıllıon dollor bolsa qandaı jumsar edińiz? Birden páter, kólik, shet elderge saıahat týraly oılaı bastaısyz.

Utystyń ıesi Nadejda Mýhametzánovanyń kúıeýi 25 mln. rúbldiń barlyǵy jumsalyp ketkendigin rastap otyr. Onyń áıeli birneshe jyl buryn qaıtys bolyp ketken. Qazirgi kezde ákesi men balasy satyp alynǵan páterdi jalǵa berip, kúndelikti qajettilikterin ótep  otyr. Bul otbasynyń jalǵyz kúnkórisi.

«Biz dostarymyzǵa kólik syıladyq, qaryzǵa aqsha berdik naqtylap aıtqanda, aqshamyzdy ońdy-soldy shashtyq. Sońynda ózimiz aqshasyz qaldyq»,- dep ókinedi Mýhametzánov.

Bul otbasy alǵashynda mıllıoner boldy, keıin kedeı, jumyssyz kúnderine qaıta oraldy. Bul olardyń ómirindegi úlken qatelik.

«Aqsha bar dep ony dalaǵa shashpańdar. Óz bolashaqtaryńdy oılańdar. Ómirde óz qalaǵan armandaryńdy oryndaýdan artyq eshteńe joq»,- dep keńes beredi Mýhatmetzánov.

Daıyndaǵan: Ásel Óteshova