Ǵashyqtardyń bul qýanyshyna 20-dan astam turǵyndar ortaqtasqan bolatyn. Úı-kúısiz júrgender nekelerin qıyryp, toı jasady dep jazady Qamshy aqparattyq agenttigi life.ru-ǵa silteme jasaı otyryp.
38 jastaǵy Oksana men 45 jastaǵy Iýrıı birneshe aı boıy birge ómir súrgen. Bul erekshe jup Oral qalasyndaǵy úı-kúısizderge arnalǵan ýaqytsha baspanada tanysqan. Erkindikten aıyrǵan osy ýaqytsha baspanada olar birneshe jyldaryn birge ótkizdi. Olar úıleri men qujattaryn da joǵaltyp alǵan, al týystary osy qıyn sátte kómek kórsetpegen. Ýaqyt óte kele Oksanany týystary úıine shaqyrsa da, Oksana Iýrııge degen mahabbaty úshin bas tartqan.
Osy ýaqytqa deıin Iýrıı Oksanaǵa birneshe syılyqtar jasap, qýantqan bolatyn. Tańǵy asqa jumyrtqa pisirip, ózi oıatady, oıynshyq taýyp alyp Oksanaǵa syılaıdy. Osy sekildi oqıǵalardan keıin Oksananyń júregi jibip, oǵan degen erekshe sezim paıda bolady. 8-naýryz merekesinde Iýrıı óz súıgenine usynys jasap, onyń kelisimin alady.
«Biz birge turǵymyz keledi, al bizder turyp jatqan ýaqytsha baspanada toıǵa deıin birge turýǵa bolmaıdy. Biz bir-birimizdi jaqsy kórgendikten neke qıdyrýdy jón sanap otyrmyz. Oksana - meniń ómirimdegi eń qymbat jan»,- deıdi Iýrıı.
Ýaqytsha baspananyń qyzmetkerleri ǵashyqtardyń qujattaryn qaıta jasatqan. Olar nekelerin qıdyryp bolǵan soń, birge qol ustasyp serýendedi. Qonaqtardyń qatarynda úısiz júrgender, baspana qyzmetkerleri, tipti kishkentaı toraı da boldy. Toraıdy Hrúsha dep ataıdy eken. Oksana men Iýrıı Hrúshany óz balasyndaı kórip, tamaqtandyrýdy ádetke aınaldyrǵan.
Olar bul aıtýly kúni otyrys jasap, bı bıledi. Otyrys kezinde ishimdik qoıylmaǵan. Ózderi áńgime dúken quryp, balalarǵa arnalǵan alańda sýretke tústi. Sýretteri de toılary sekildi erekshe boldy. Olardyń bir-birine degen kózqarastan ózgeshe sezimniń baryn baıqaısyń.
Olar úshin bul kún esten ketpeıtin, erekshe kún bolary sózsiz. Bul jıi bola bermeıtin tańqalarlyq oqıǵa. Biraq eń bastysy olar baqytty. Olar úshin ózgelerdiń pikiri qyzyqtyrmaıdy. Birneshe jyldyq qatelikterden keıingi eń durys sheshimderi de osy bolar. Ǵashyqtardyń endi kezde qorǵanyshy, kez-kelgen qıyndyqta qoldaı biletin súıikti adamy bolady. Osy sheshimnen keıin de jyldap izdep, áreń tapqan týra joldarynan adaspasa bolǵany.
