Astana qalasynyń áýejaıynda Aýǵanstannyń Qazaqstandaǵy burynǵy elshisi Mohammad Farýka Barakı qyzmettilik ókilettigi  aıaqtalǵan soń Kabýlge qaıtpaqshy bolǵan kezde qamaýǵa alyndy dep habarlaıdy Qamshy aqparattyq agenttigi afghanistan.ru-ǵa silteme jasaı otyryp.

Eske sala ketetin bolsaq, Aýǵanstannyń Qazaqstandaǵy elshisi bolyp ulttyq áskerdiń burynǵy basshysy Kadam Shah Shahım taǵaıyndaldy.

Mohammad Farýk Barakı óz eline qaıtar kezde jaısyz oqıǵaǵa tap bolǵan. Kedenshileriniń dıplomattyń bagajy týraly suraǵyna oılanbastan «Onda bomba bar»,- dep jaýap bergen. Oılanbaı aıtqan jaýaby onyń tutqyndalýyna sebep boldy. Áýejaıdaǵy esikter jabylyp, arnaıy bólimnen 100 jaýynger shaqyrtyldy. 3 saǵat boıy tutqynda bolǵan dıplomat Qazaqstan SİM ruqsat etkennen keıin ǵana saparyn jalǵastyrdy.  Barakı bul jaýapty kedenshiler birneshe ret suraq qoıǵandyqtan ázil retinde aıtqanyn jetkizdi.

Bolǵan jaǵdaıǵa baılanysty Aýǵanstannyń syrqy ister mınıstrligi ázirge eshqandaı túsinikteme bergen joq.