2 mamyrda pyshaq jáne bıtamen qarýlanǵan bir top jas jigit taksı júrgizýshisine shabýyl jasaǵan. Oqıǵa Molokov kóshesindegi "Odejda" dúkeniniń mańynda boldy, - dep habarlaıdy Qamshy aqparattyq agenttigi Tengrinews.kz portalyna silteme jasap.

"Dostarymmen birge aýlada otyrǵanmyn. Janymyzdan bes jigit júgirip ótti. Olardyń birdeńegen qoryqqany baıqalyp turdy. Artynan qoldarynda pyshaq pen bıta ustaǵan 15 adam júgirdi. Jaqyn jerde jolaýshysyn kútip, taksı júrgizýshisi turǵan. Qýǵandardyń birnesheýi júrgizýshige kelip, qashqandardyń artynan qý dep aıǵaılady. Er adam shaqyrtýmen kelgenin, adamdardyń qazir shyǵatynyn aıtty. Osy kezde olar kóliktiń terezelerin shaǵyp, júrgizýshini soqqyǵa jyǵyp, qashyp ketti. Keıinirek atys bolǵany estildi, - deıdi kýáger Aleksandra Sımonova.

Federovka aýylynyń turǵyny Iýlıa Kýznesova da uqsas oqıǵa týraly aıtyp berdi: "Birneshe sekýndta boldy. Qoldarynda bıta ma, trýba ma boldy. Úsh-tórt jigit mersedeske jaqyndap kelip, "Ur ony!", dep aıǵaılyp, soqqyǵa jyqty. Sosyn bireý oq atty. Keıin úshinshi avtopark jaqqa qaraı júgirip ketti". 

Qaraǵandy oblystyq İİD ókilderi shabýyl jasaǵandardyń oq atqanyn joqqa shyǵardy. 

"Atalǵan derekke qatysty "Buzaqylyq" baby boıynsha qylmystyq is qozǵaldy. Sotqa deıingi tergeý bastaldy. İstiń mán-jaıy anyqtalyp jatyr. Baryq kúdikti qolǵa tústi, olar tergeý abaqtysynda", - deıdi İİD-niń baspasóz hatshysy Baqytjan Qudıarov.