Májilis spıkeri Nurlan Nyǵmatýllın jol polısıasynyń taıaqshalaryna baılanysty ázildedi dep habarlaıdy Qamshy aqparattyq agenttigi zakon.kz-ke silteme jasap.
Nurlan Nyǵmatýllın jol qozǵalysyna baılanysty máselelerdiń elimizde qyzý talqyǵa birden salynatyn máselelerdiń biri bolyp tabylatynyn aıtty. «Bárimiz jol-kólik qozǵalysynyń qatysýshylary bolyp tabylamyz», - dedi Nyǵmatýllın óz sózinde. «Sonymen qatar, elimizde úsh salada mamandar kóp: fýtbolda, saıasatta jáne jol qozǵalysynda. Sońǵy bolǵan ózgeristerdiń halyq arasynda jáne senatta talqylaný sebebi de osy. Buryndary jol polısıa qyzmetine boıyna qarap alatyn, qazir kóshe qıylystarynda kórinip turýy úshin qoldarynyń uzyndyǵyna qaraıdy», - dedi Nurlan Nyǵmatýllın.
