Tarazda «Nurǵısa Tilendıevtiń murasy jańa qazaqstandyq patrıotızmdi qalyptastyrý» taqyrybynda respýblıkalyq ǵylymı-tájirıbelik konferensıa ótti dep habarlaıdy Qamshy aqparattyq agenttigi 24.kz-ke silteme jasap.
Shara barysynda kompozıtordyń ómirbaıany men shyǵarmashylyǵyna arnalǵan aılyq qorytyndylandy. Jıyn qonaqtary men qatysýshylary óner ıesiniń atyndaǵy mektep-ınternat mýzeıine saıahat jasap, oqýshylardyń qolóner kórmesin tamashalady. Al uly sazgerdiń kózin kórgen ǵalymdar estelikterimen bólisip, jastarǵa ataqty tulǵa týraly estelikter aıtyp berdi.
Sonymen qatar «Nurǵısataný» kitabynyń tusaýy kesildi. Týyndyda Tilendıevtiń ómirindegi el aýzynda júrgen qyzyqty sátteri men naqyl sózderi jazylǵan. Oraljan Masatbaev, N.Tilendıev halyqaralyq qoǵamdyq qorynyń dırektory: -Bizdiń maqsatymyz – osy iri tulǵalardyń murasy arqyly jas urpaqty qazaqstandyq patrıotızmge tárbıeleý. Atap aıtqanda Abaı Qunanbaev, Qanysh Sátbaev, Baýyrjan Momyshuly, Nurǵısa Tilendıevtiń murasyn biz aldyńǵy shepke alyp, sol jumysty jalǵastyryp jatyrmyz.
