Nú-Iorktegi ataqty «Krıstıs» aýksıon úıi jyl saıyn dástúrli onlaın-aýksıon ótkizip turady. Bıylǵy jylǵy aýksıonǵa jasy mıllıardtaǵan jyldan asatyn meteorıtterdi satylymǵa shyǵardy, dep habarlaıdy Qamshy aqparattyq agenttigi life.kz-ke  silteme jasap.

Onlaın-aýksıonda myń men 120 myń dollar arasyndaǵy sommaǵa ǵaryshtyq baılyqtardy satyp alýǵa bolady.  Aýksıonǵa qoıylǵan koleksıa ataýy «Tereń baılanys. Aı, Marstyq sırek meteorıetter» dep atalady. 

Baǵaly ári sırek kezdesetin meteorıetterge  jany qumar kez kelgen adam óz talǵamyna saı baǵaly zatty aýksıonnan taba alady. Túrli ólshemdi bolyp keletin úlgiler Mars pen Jerdiń jasandy seriginde  de kezdesedi. Olardyń ishinde hrızolın sekildi baǵaly tastarmen kómkerilgenderi de bar.

Meteorıtter - Jer sharynyń atmosferasynan ótken quıryqty juldyzdyń qaldyqtary. Olar óte sırek kezdesedi jáne kózdiń jaýyn alyp turatyn teńdessiz sulýlyqqa ıe. Kópshilikke unaıtyny da osy eki qasıeti.

Aýksıonǵa qoıylatyn meteorıtetter barynsha úlken kólemde jáne erekshe pishinge ıe bolýy kerek. Pishini qanshalyqty erekshe bolsa, baǵasy da sonshalyqty artyp otyrady.

Bıylǵy jyly aýksıonǵa qoıylǵan meteorıtterdiń ishindegi eń qymbaty Meksıka qalasynan tabylǵan. Onyń boıynda Jer sharynda kezdepeıtin kómirtektes materıaldar bar. Al onyń jasy 4,56 mlrd. jylǵa jetedi. Jalpy alyp qaraǵanda bizdiń ǵalamsharymyzdan jasy úlken.

Aýksıonǵa qoıylatyn ár bir meteorıtet aldyn ala nómirlenedi jáne qaı jerden tabylǵany jaıly naqty málimet beriledi.