Ótkende bir mekteptegi 4-klass (synyp degen sózdi bizdiń urpaq qabyldaı alar emes...) uldarynyń arasyndaǵy "Jigit sultany" baıqaýyna qazylyq jasaýǵa týra keldi. Bul jastaǵy balalar úshin tym erte emes pe? Jaraıdy, erte emes te shyǵar. Biraq...

1.Bir bala taqpaq aıtty. Qalǵandary án saldy. Tek, "mınýsovkadaǵy" dańǵyraǵan mýzykadan olardyń daýsyn esite almaı qor boldym... Dombyra, baıanmen súıemeldep aıtqyzýǵa bolmaıtyn ba edi?..

 2. Kúsh saıysyna ortaǵa jeńil gantel qoıylǵan eken, barlyǵy da op-ońaı 10 retten kóterdi de qoıdy. Kimniń kúshi qandaı ekeni baıqalmaı qaldy.

 3.Óz qolymen buıym jasaý degen tapsyrmaǵa bári úıinen ıa tort sekildi taǵamdar pisirip ákelgen, ıa zat jasap ákelgen. Ákemizben birge istedik dep qoıady. Ne de bolsa kóptiń aldynda jasamaǵannan keıin munda da kimniń qanshalyqty ónerli ekenin anyqtaý múmkin bolmady.

4.Tapqyrlyq synyna "2-niń kvadraty qansha?" degen sekildi kúlkili suraqtar qoıyldy. Eń sońynda, qazylar alqasynyń tóraǵasy, mektep dırektorynyń orynbasary meniń talap etýimmen, qınalyp baryp, barlyq 10 synaq boıynsha qoıylǵan bal qosyndysyn shyǵaryp, jeńimpazdy anyqtadyq... Sonda bundaı kózboıaýshylyq baıqaýy kimge, ne úshin qajet boldy? "Galochka" úshin be? Maqtaýly mekteptiń ustazdary shákirtteriniń sanasyna ne sińirip, ne quıyp jatyr?..

Ómirzaq Aqjigittiń feısbýk paraqshasynan