«EKSPO-2017: Bolashaq energıasy» halyqaralyq mamandandyrylǵan kórmesin ótkizý kezindegi mádenı baǵdarlamanyń tolyq tizimi bekitildi dep, habarlaıdy Qamshy aqparattyq agenttigi Astana qalasynyń Mádenıet, muraǵattar jáne qujattama basqarmasyna silteme jasap.
Sharanyń jospary Qazaqstan Respýblıkasynyń Mádenıet jáne sport mınıstrligimen, «Astana EKSPO-2017» Ulttyq kompanıasy jáne Astana qalasynyń ákimdigimen birlesip ázirlendi.
Mádenı-buqaralyq sharalar jaz boıy – maýsymnan qyrkúıek aıyna deıin ótkiziledi. Bul kezeńde qala ákimdigimen 647 shara uıymdastyrylady.
Josparlanǵan sharalar túrli formatta ótkiziledi: halyqtyq serýen, mádenı-buqaralyq, otbasylyq demalys, festıválder, kórmeler, teatrlandyyrylǵan jáne sırk qoıylymdary jáne t.b.
Munymen qosa, «EKSPO» kórmesiniń resmı ashylý jáne jabylý saltanatyn qalanyń úsh aýdanynda tikeleı efırden tamashalaýǵa bolady – úlken LED ekrandar «Báıterek» monýmentiniń aldyndaǵy alańda, qalalyq alańda jáne Stýdenttik saıabaqta ornatylady.
Astana qalasynyń ákimdigi Aleksandr Maslákovtyń qatysýymen KVN-nyń halyqaralyq jazǵy kýbogy tabystalady.
Sharalardyń barlyǵy «Birinshi arnanyń» efırinen kórsetiledi.
«Barys Arena» stadıonynda Olımpıada chempıony Evgenıı Plúshenko men mánerlep syrǵanaýdyń basqa da juldyzdarynyń keshi ótedi.
Qazaqstandyq jáne sheteldik estrada juldyzdarynyń qatysýymen mýzyka ónerine qosqan úlesi úshin nagradalar tabystaýmen «Astana Dausy» halyqaralyq mýzyka festıvalin uıymdastyrýǵa muryndyq boldy.
Elordada jazdyń úsh aıynda Astanalyq, Stýdenttik, Jeruıyq, Prezıdenttik jáne Araı saıabaqtarynda «Saıabaqtyń jeti keremeti» atty shara ótkiziledi.
Qazaq ertegileriniń, «Sýyq júrek» múltfılminiń keıipkerleriniń, Órmekshi adamnyń jáne t.b., sondaı-aq, dısneılik keıipkerler men robottardyń qatysýymen 7 taqyryptyq baǵdarlama kópshilik nazaryna usynylady. Shoý jumys jáne demalys kúnderi – kúnine 2 ret ótedi.
Jalpy alǵanda, saıabaqtarda balalar men eresekterge arnalǵan myńnan asa oıyn-saýyq sharasy ótedi.
Sýly-jasyl jelek ashyq aspan aıasyndaǵy kórme pavılonyna aınalady. Munda İİİ Astana Art Fest halyqaralyq festıvali uıymdastyrylady. Bul elorda turǵyndary men qonaqtarynyń súıikti sharalarynyń biri. Eki jylda oǵan álemniń 10 memleketinen 78 sýretshi qatysqan, al kelýshiler sany jartymıllıonnan asty. Bıyl sharaǵa álemniń 9 elinen sýretshiler, dızaınerler, sáýletshiler, mýzykanttar men rejıserler atsalysady. Atap aıtqanda, Qazaqstan, Reseı, Ózbekstan, Qyrǵyzstan, Japonıa, Armenıa, Ýkraına, Germanıa jáne t.b.
Daıyn jumystar jelekjolǵa 1 maýsymnan bastap qoıylady, al festıvál 10-y kúni ashylady.
Kelýshilerge halyqtyq serýen, mádenı-buqaralyq, otbasylyq demalys, festıválder, kórmeler, teatrlandyyrylǵan jáne sırk qoıylymdary usynylady.
Olardyń biri dástúrli qazaq mýzykasynyń «Astanaǵa tartý» konserti. Kórermender «Jetisý», «Arqa», «Syr» jáne «Batys» syndy dástúrli án aıtýdyń tórt mektebiniń ókilderiniń oryndaýynda qazaq halqynyń baı fólklorymen tanysady.
Budan basqa, halyq aspaptary orkestrleriniń «Serper» festıvali, úrmeli aspaptar orkestrleriniń «Astana samaly» festıvali ótedi.
Teatr aptalyǵyn uıymdastyrý dástúri 5 jyl buryn qalyptasqan. Jyl saıyn «Sahnadan Salem» festıvalinde Qazaqstan men shet memleketterdiń úzdik teatr ujymdary bas qosady.
Mádenı-buqaralyq sharalar turǵyn alaptarynda da ótedi.
Prıgorodnyı, Internasıonalnyı, Mıchýrıno, Kúıgenjar, Óndiris, Jeleznodorojnyı, Úrker, Kóktal jáne Promyshlennyı turǵyn alaptarynyń turǵyndary demalys kúnderi qazaqstandyq artıser men elordanyń shyǵarmashylyq ujymdaarynyń qatysýymen «Dýmandy Saryarqa» konsertin tamashalaıdy.
Ádettegideı, Elorda kúni aıasynda Astanada qazaqstandyq estradanyń tanymal oryndaýshylarynyń konsertteri ótedi. Bıyl qalanyń konsert zaldarynda «Mýzart», «Dervıshı» toptarynyń konsertteri, Seken Turysbektiń jáne Altynbek Qorazbaevtyń shyǵarmashylyq keshteri uıymdastyrylady.
Barlyq konsertterge bıletter qalanyń kasalarynda jáne www.koncertyastany.kz saıtynda satylady.
Oıyn-saýyq baǵdarlamalary men konsertterdiń 70 paıyzy ashyq alańdarda ótedi.
Sonymen qatar, jazda «Astana juldyzy» ulttyq kásibı mýzykalyq syılyǵyn tabystaý saltanaty ótedi. Sharaǵa otandyq estradanyń tanymal ókilderi qatysady, jáne «Úzdik jyl oryndaýshysy» anyqtalady.
23 jáne 24 maýsymda «Báıterek» monýmentiniń aldyndaǵy alańda «The Spirit of Astana» qazirgi zamanǵy etnıkalyq mýzyka festıvali ótedi. Sahna tórinde Afrıka, AQSH, Makedonıa, Grýzıa, Vengrıa, Reseı, Qazaqstan, Bashqurtstan, Býrátıa jáne Týva memleketteriniń mýhykalyq ujymdary óz ónerlerin ortaǵa salady.
15 shildede ıtalándyq mýzyka súıer qaýym «Zvezdy San-Remo v Astane» festıvalin tamashalaıdy.
Otbasylyq demalysqa arnalǵan sharalardyń biri «Azıa jańǵyryǵy» X halyqaralyq sırk óneri festıvali.
Sonymen qatar, jastarǵa arnalǵan «Energy Party» elektrondy mýzyka festıvali jáne «International Street dance Session in Astana» kóshe bıi festıvali ótedi.
30 maýsymnan 2 qyrkúıekke deıin ár demalys saıyn «Báıterek» monýmentiniń aldyndaǵy alańda, qalalyq alańda jáne Stýdenttik saıabaqta ashyq aspan aıaásynda «Esil keshteri» konsertteri uıymdastyrylady.
Budan basqa, halyqaralyq kórme barysynda Astana Game Fest alǵashqy geımerler festıvali ótedi. Shara aıasynda kompúterlik oıyndar boıynsha halyqaralyq jarystar, robototehnıkadan sheberlik synyptary, jańa oıyndardyń prezentasıalary, drondar shoýýy jáne t.b. uıymdastyrylady.
«EKSPO» halyqaralyq kórmesi kezinde ótetin sharalar baǵdarlamasyna sporttyq jarystar da engizildi.
Mamyr aıynyń ortasynan bastap jeksenbi kúnderi Astanalyq, Jeruıyq jáne Stýdentik saıabaqtarda Astana Fitness Park sharasy ótedi. Onyń barysynda kásipqoı bapkerlerdiń jetekshiligimen krosfıt, ıoga, zýmba jáne t.b. boıynsha jattyǵý jasaýǵa qatysýǵa bolady.
25 maýsymda Astanada dýatlonnan úshinshi ret qalalyq týrnır ótkiziledi. Oǵan 18 jastan asqan azamattar qatysa alady.
Aıta keteıik, Astanada «EKSPO» halyqaralyq kórmesi barysynda ótkiziletin sharalar týraly tolyq aqparat kestemen birge www.astanaday.kz saıtynda jarıalanady.
