Amar Stover 8 jasar bala,  Alaba shtatynyń turǵyny. Kishkene kezinen bir kózi kórmeı qalǵan.  Kózinde isik paıda bolyp, tynys ala almaı tek trýbka arqyly dem alady.  Bul týraly Qamshy aqparattyq agenttigi habarlaıdy. Betindegi úlken isiktiń kesirinen tolyqqandy ómir súre almaıdy. Qatigez synyptastary Amardy qubyjyq deıdi eken. Al keıbireýleri: "Amar betińdegi betperdeńdi shesh"- dep aıtatyn kórinedi. Bala neırofıbromatoz dertine shaldyqqan. Osy dert kesirinen onyń denesine isik qaptap ketken. 

      Ýaqyt ótip, Amardyń jasy ulǵaıǵan saıyn onyń isigi de úlkeıip keledi.  Ol dalaǵa shyqqanda synyptastary, qurdastary odan qorqady, tipti qaraı almaıdy.  Amardyń janyna batatyn eń qıyn nárse, ózgelerdiń odan: «Mundaı qorqynyshty betperdeni qaıdan aldyń?» deýi.

Qazirgi ýaqytta Amardyń anasy plasıkalyq hırýrgtarmen kelissózder júrgizip, balanyń betindegi isikti emdeýge, kóz janaryn emdeýge, tolyqqandy ómir súrýge múmkindik beretin barlyq jaǵdaıdy jasaýǵa tyrysýda. Alaıda Amardyń anasy Kandıs- jalǵyz basty áıel. Ol ǵalamtor arqyly qarajat jınap, úıin satýda.

Dárigerlerdiń aıtýy boıynsha bul dert 2500 adamda bir ret qana kezdesedi eken.