Búgingi tańda qyzdardyń súndettelýi jer sharyndaǵy 30 shaqty elde taralǵan, ásirese, Taıaý Shyǵys pen Afrıka elderinde. Qyzdardy súndetke jatqyzatyn dárigerler munyń sebebin túrlishe túsindiredi, biri dinı turǵydan aıtsa, endi bireýi muny jatyrdyń qaterli isikke shaldyǵýynyń aldyn alady deıdi. Alaıda qyz-balalardyń ómirin qaterge tige otyryp, mundaı qadamǵa barýdyń naqty sebebin eshkim dóp basyp aıta almaıdy. Qyzdar súndettelgennen keıin óte uzaq ýaqytta qalypqa keledi. Keı jaǵdaılarda munyń saldarynan qatty qan ketýi nemese bedeýlikke ushyratýy ábden múmkin, tipti, keıde óte qaıǵyly jaǵdaımen aıaqtalatyn kezder de bolady, dep habarlaıdy Qamshy aqparattyq agenttigi sheteldik BAQ-qa silteme jasap.

Muhamed (s.ǵ.s.) týǵan kúnine oraı Djakartadaǵy 284 otbasyndaǵy qyzdardyń barlyǵy súndettelý úshin barlyq materıaldy resýrstardy alǵan. Birneshe fotokonkýrstardyń jeńimpazy Stefanı Sınkler bul is-sharaǵa da qatysyp, túrli jan túrshigerlik fotosýretter túsirgen.

9 aılyq qyz súndettelý úshin óz kezegin kútýde

Aqsha alǵan 284 otbasynyń qyzdary úlken bólmede jınalyp, rásimniń bastalýyna deıin aldymen duǵa jasaýda.

Qyzdardyń birin súndetteýge daıyndap jatyr

Qyzdardy súndetteý rásimi Azıa elderiniń birshamasynda keńinen taraǵan, mysaly Fılıppın, Malaızıa jáne Indonezıa. Sonymen qatar BAÁ, Ońtústik Iemen, Oman jáne Bahreın elderinde tájirıbeden ótkizýde. Al Latyn Amerıkasynyń Brazılıa, Shyǵys Meksıka jáne Perý elderinde qfzdardy súndetke otyrǵyzady eken.

Aýdarǵan: Nazerke Labıhan