Sýmıterý Tanıgýchı Nagasakı apatynan tiri qalǵan japondyqtardyń biri dep habarlaıdy Qamshy aqparattyq agenttigi sheteldik BAQ-qa silteme jasaı otyryp.

Ol 1929 jyly dúnıe kelgen eken.  1945 jyldyń 9 tamyzynda onyń jasy nebári 16-da bolǵan. Arada 70 jyl ótse de Sýmıterý Tanıgýchı kórgen azabyn, qorqynyshyn umyta almaı keledi.

Nagasakıge bomba tastalǵan tamyzdyń sol bir kúni Tanıgýchı epısentrden 2 km.shaqyrym mańda shaıtanarba aıdap kele jatqan. Soqqy jasalǵan kezde ony jer jutyp qoıa jazdaǵandaı bolǵan. Bomba tastalǵannan keıingi úsh kún boıy ol es-tússiz kúıde aýrýhanada jatyp, ómir úshin arpalysqan. Onyń denesine shimirkpeı qaraý múmkin emes-tin. Teri týra maǵynada túseıin dep jatqan. Áıeli kún saıyn jaqpamaı jaqsa da, sol tyrtyqtar kúni búginge deıin janyn jegideı jep, mazalaıdy eken.

On eki qabyrǵasynan qalǵan japondyqtyń úsh qabyrǵasy búginde qısaıyp ketken, onymen qoımaı ókpesin basyp, dem alysyna kedergi jasaýda. «Ýaqyt bárine emshi» degenimizben Tanıgýchı sol qolyn jaza almaı-aq qoıdy.

Eki jyly boıy ishpen jatqan bozbala eshnársege qaramastan tiri qaldy. «Ol demalyp jatyr ma?» dep kún saıyn ol úshin qoryqqan dárigerler úshin onyń aman qalýy úlken qýanysh boldy.

Qazirgi tańda Sýmıterý Tanıgýchı Nagasakı apatynan tiri qalǵandar tobyn basqarady. Nagasakı qaharmanynyń aıtýynsha, eshkim ıadrolyq qarýdyń zardabyn tartpaýy tıis. «Men ol sumdyq qarýdyń kózi qurtylǵanyn qalaımyn» deıdi japondyq.

Aýdarǵan: Jazıra Baıdaly