Emmanýel Makronnyń Fransıanyń prezıdenti bolatyny eshkimge qupıa emes. Osyǵan deıin Makronnyń jeke ómiri barlyǵyna qyzyq bolyp keldi. Ol jeke ómirin jasyryp qalǵysy kelmedi. Ol ózinen 24 jas úlken áıelge úılengen dep jazady Qamshy aqparattyq agenttigi.
1993 jyly 17 mamyr kúni Makron mektep kezindegi qoıylymnan keıin, osy qoıylymǵa kómektesken óziniń muǵalimi Brıjıt Troneniń betinen súıip alǵan.
Ol kezde Brıjıt Troneniń kúıeýi men 3 balasy bolǵan. Makron ózinen 24 jas úlkendigine qaramastan óz muǵalimine ólerdeı ǵashyq bolǵan.
Olar erekshe qarym-qatynas ózgeler úıreniskennen keıin, araǵa 14 jyl salyp baryp úılengen. Biraz ýaqyt buryn Emmanýel Makron týraly kitap jaryqqa shyqqan edi. Bul kitaptyń avtory Enn Fýlda atty jýrnalıs qyz Makronnyń ómiri týraly biraz málimet jazǵan.
Markonnyń otbasy balasynyń kimge ǵashyq bolǵandyǵyn alǵashynda bilmegenge uqsaıdy. Olar basynda Makron óziniń synyptasy Loýrens Ozıerge, Troneniń týǵan qyzyna ǵashyq boldy dep oılap júrgen. Ókinishterine oraı, olar qatelesti. 16 jastaǵy jasóspirim óziniń 40 jastaǵy muǵalimine ǵashyq bolǵandyǵyn ata-anasy keıin bilgen.
«Olar toıdyń bolmaýy úshin qolymyzdan kelgenniń bárin jasaımyz degen edi»,- dep aıtqan Makron ózi týraly jazylǵan kitapta. «Bul jaǵdaı meniń ómirimde qaıtalansa men ne isteıtinimdi de bilmeıtin edim»,- dep te aıtty ol. Sol kezde Makronnyń áke-sheshesi Brıjıtke baryp, balasynan 18 jasqa tolǵanǵa deıin aýlaq júrýin ótingen. Al álgi áıel «Men bul týraly ýáde bere almaımyn»,-dep jaýap beripti.
Sol kezde Makronnyń anasy: «Sen buny túsinip te turǵan joqsyn, biraq seniń óz ómiriń bar. Al ol senimen birge bolyp, bala súıe almaıdy»,- degen. Osy oqıǵadan keıin Makron óz baqytyn izdeý úshin Parıjge ketip bara jatyp, muǵalimine «Men qaıta oralǵan soń, saǵan úılenemin»,- dep ýáde bergen.
Óziniń týǵan jeri Amenge 2 jyldan keıin qaıta oralady. Sosyn anasyna: «men áli kúnge deıi Brıjıtti súıemin. Meni eshteńe de toqtata almaıtyndyǵyn túsingenderińizdi qalaımyn»,- dep shynyn aıtty. Biraz ýaqyttan keıin Makronnyń ata-anasy bul sheshimge kónýge májbúr bolady.
Qazir 64 jastaǵy Makronnyń áıeli 7 nemere súıip otyr. Al Makronnyń óz balasy joq. Biraq ol óz áıeliniń nemerelerine baǵý arqyly rahat alady eken.
Daıyndaǵan: Ásel Óteshova
