«Sharaına – shyndyq sheberi». Qazaq teatry men kınosynyń korıfeıi Asanáli Áshimov jaıly túsirilgen derekti fılm osylaı atalady, dep habarlaıdy Qamshy aqparattyq agenttigi Qazaqfılmniń baspasóz qyzmetine silteme jasap.

 Rejıseri – Baqyt Ǵafý. Jańa týyndy óner qaıratkeriniń 80 jyldyq mereıtoıyna arnalǵan. Derekti fılmde sahna sheberiniń óner álemindegi alǵashqy baspaldaǵynan bastap, búgingi dárejesine deıingi búkil júrip ótken joly qamtylǵan. Ónegeli ómir jaıly fılm Astanada ótetin EKSPO halyqaralyq kórmesine de qoıylmaq.

Aına adamnyń shyn mánindegi keıpin óz kózine bura tartpaı kórsetedi. Ózgege jyltyrap kóringenimen, ózińdi aldaı almaısyń. Sondyqtan, eń bastysy adam bolý kerek. Akter bolý úshin de aldymen adamdyq qajet. Jańa derekti fılmniń óne boıy osy pálsafamen órilgen. Onda akter óner álemine alǵash qadam basqan sátin bylaısha áńgimeleıdi.

«Qyz Jibek», «Transibir ekspresi», «Atamannyń aqyry» sıaqty talaı tamasha týyndylarda basty rólderdi somdaǵan Asanáli Áshimovtiń sahna men túsirilim alańyndaǵy eleýli eńbegi áli kúnge jalǵasyp keledi. Alaıda ónerde jarqyrap kóringenimen, ómirde qaıǵyly sátteri jeterlik.

San qıly taǵdyr qaıratkerdiń báribir saǵyn syndyra almaǵan. Ómir qaıta jandanyp, dúnıege kishkentaı Asanáli keldi. Osynyń bárin qamtyǵan kartına basty keıipkerdiń ózine qatty unapty. 

 «Mende bir 4-5 derekti fılm bar. Sonyń ishindegi eń joǵarǵysy. Eń shyǵarmashylyq jaǵynan sátti shyqqany dep oılaımyn», - dep pikirimen bólisti KSRO men Qazaqstannyń halyq ártisi Asanáli Áshimov.

Asanáli Áshimov qalyń kórermenine de, óz ortasyna da syıy artqan jan. Janynda júrip, qoıylymdardy birge sahnalaǵan ini áriptesteriniń lebizi erekshe. 

Óner maıtalmanynyń 80 jyldyǵyna arnalǵan derekti fılm EKSPO halyqaralyq kórmesine qoıylmaq. Sondaı-aq, aldaǵy bir aı kóleminde Almatydaǵy barlyq kınoteatrlarda Asanáli Áshimov fılmderiniń retrospektıvasy ótetin bolady.