Sportshylardyń boqtyq sózder arqyly shynyǵýy shynymen de olardy saıystyń aldynda myqtyraq bolýǵa kómektesedi eken. Bul týraly brıtandyq medısına qyzmetkerleri Brıtanıa elindegi kezekti kezdesýlerdiń birinde málimdedi dep habarlaıdy Qamshy  aqparattyq agenttigi ria.ru-ǵa  silteme jasaı otyryp.

«Boqtyq sózder arqyly ashýyn shyǵarǵan adam únsiz shydamdylyq tanytqan adamǵa qaraǵanda kez-kelgen soqqyny jaqsyraq qabyldaı alady. Bul sheshimdi biz tájirıbe jasaý  arqyly shyǵarǵanbyz. Boqtyq sóz aıtý júıkege áser etip, qıyn jaǵdaıda júrektiń myqty bolýyna kómegin tıgizedi. Demek, aıǵaılaǵan adam ózgelerge qaraǵanda myqty bolady»,- dedi Rıchard Stıvens.

Stıvens pen onyń qyzmettesteri  30 shaqty eriktige ádettegi testtiń birin jasady. Ol test shydamdylyqqa nemese kúshke baılanysty eken. Olar velotrenajerdegi pedaldy boıynda kúsh qalmaǵanǵa deıin aınaldyrady.

Tájirıbege qatysýshylardyń kóbisi test aldynda boqtap, aıǵaılap alýdy jón kórgen. Jattyǵý kezinde zertteýshiler olardyń júrek qaǵysyn, fızıologıalyq belsendiligin baqylap otyrdy. Jattyǵý bastamas buryn boqtap, aıǵaılap alǵandardyń kúshi basymyraq bolǵandyǵy da baıqaldy.

«Boqtyq sóz adamdy shynymen de myqty etetinine senýge bolady. Sebebi test kezinde boqtap alǵandar basqalarǵa qaraǵanda energıasy 10% kóbirek boldy jáne 20% joǵary nátıje  kórsetti»,- dep tájirıbe nátıjesin aıtty zerteýshiler.