Fransıada sán kórsetiliminde jáne jarnamalyq rolıkterde aryq arýlardy kórsetýge qarsy zań qabyldandy dep habarlaıdy Qamshy aqparattyq agenttigi  VVS-ge silteme jasap.

Fransıa Densaýlyq Saqtaý Mınıstri Marısol Týren atalǵan zań áıel adamdardyń, ásirese boıjetkenderdiń densaýlyǵyn jaqsartý maqsatynda qabyldanǵanyn aıtty.  Mınıstrdiń aıtýy boıynsha, sulýlarǵa eliktegen turǵyndar kógildir ekrannan kórsetiletin qyz, kelinshekterge  uqsaý úshin ózderin qınaıdy, nátıjesinde kóp salmaq tastalady. Bul olardyń densaýlyǵyna keri áserin tıgizetini anyq. Endi, sánbıkelerge  arnalǵan talaptar da ózgertildi, olar densaýylyǵynda kinárat joqtyǵy týraly anyqtamasyz jumysqa qabyldanbaıtyn boldy.

Osy jyldyń 1-qazanynan bastap, fotograftar men fotomodelderge arnalǵan zań kúshine enbekshi. Zań boıynsha, kez-kelgen kompúterdiń kómegimen ózgeriske ushyraǵan sýretterdiń «sýret ózgeriske ushyraǵan» degen belgisi bolýy tıis.

Aryq sánbıkelerge qarsy zań Italıa, Ispanıa jáne Izraılde de bar.  Dárigerlerdiń málimdeýinshe, Fransıada 30 myń turǵyn anoreksıa (qýsúıek) aýrýyna shaldyqqan, onyń 90 paıyzy názik jandylar. 

Aýdarǵan: Alına Bolatbek