Kerı Iang júkti ekenin bilgende kúıeýi Roısom ekeýiniń qýanyshynda shek bolmady. Olardyń Garıson esimdi 2 jasar  uldary boldy. Ýaqyt óte kele Kerı qyzǵa júkti ekenin bildi. Mundaı qýanyshty jańalyqty estigende Kerı men Roısom baqytty edi. Alaıda qýanyshtary uzaqqa sozylmady. Belgili bolǵandaı, sábı anensefalıa aýrýyna shaldyqqan. Atalmysh dert sharananyń ana qursaǵynda mıynyń damýyna kedergi keltiredi.

Dárigerler naqty dıagnozdy qoımas buryn, birneshe márte tekserip, sýyq habardy Kerı men Roısomǵa jetkizgen. Dárigerler jasandy túsik jasaýǵa keńes berdi. Alaıda Kerı men Roısom aqyldasyp balany qaldyrýǵa sheshim qabyldaıdy.

Sábıdiń denesi saý bolǵandyqtan Kerı balany dúnıege ákelip, bir kún bolsa da onymen birge bolǵysy keldi. Otbasylyq jup bala dúnıge kelgenshe bir ǵajaıyp bolyp, qyzy tiri qalady dep úmittendi. Alaıda ǵajaıyp bolmady.

Eva jaryq dúnıege kelisimen shetinep ketti. Onyń ata-anasy eshkim kútpegen qadamǵa bardy. Kerı men Roısom sábıiniń saý múshelerin berýdi uıǵardy. Otbasylyq jup mundaı qadamǵa basqa sábılerdiń ómirin saqtap qalý úshin jasaǵanyn jetkizedi. Desek te, mundaı sheshim qabyldaý ońaıǵa soqpaǵanyn aıtady. 

Daıyndaǵan: Ásem ÁLMUHANBET