Arqalyqta jas jubaılar óz-ózderine qol jumsaǵan.  Áıeli men kúıeýiniń máıiti  garaj ishinen tabyldy. Jas jubaılar óz úılerinde asylyp qalǵan , dep habarlaıdy Qamshy aqparattyq agenttigi top-news.kz-ke silteme jasap.

Bul jaǵdaı  30 sáýir kúni oryn alǵan. Mustafa men Indıra esimdi jas jubaılar Torǵaıdaǵy bir koleje  «Dene shynyqtyrý» mamandyǵy boıynsha úshinshi kýrsta bilim alyp júrgen.

Bilim alǵan oqý ornynyń qyzmetkerleriniń aıtýy boıynsha, ekeýi de belsendi stýdent bolǵan. Kóptegen maqtaý qaǵazdarymen marapattalǵan.

«Indıra- voleıbolshy, al Mustafa-fýtbolshy. 29 sáýir kúni kolej qabyrǵasynda oblystyq semınar ótti. Ekeýi de belsendi at salysty. Biz áli kúnge deıin sene alar emespiz. Polısıa qyzmetkerleri istiń mán-jaıyn anyqtaýda, biraq naqty derekter áli  tabylmady» dedi kolejdiń dırektory Sandýǵash Almatova.

Aýdarǵan: Aıgerim TAÝBAI