Semeıde de Otan qorǵaýshylar kúni aıtýly sharalarmen aıshyqtaldy.

Qaladaǵy ınternasıonalıs-jaýyngerlerge arnalǵan eskertkishke gúl shoqtary qoıylyp, jastarǵa erlik dastandary oqyldy, dep habarlaıdy Qamshy aqparattyq agenttigi 24.kz-ke silteme berip.

 Dástúrli «Vena baly» bı merekesinde 70-ke jýyq jup óz ónerin pash etti.  Negizinen «Shyǵys» óńirlik qolbasshylyǵynyń áskerıleri men stýdent jastar qatysyp, válstiń 10-nan astam túrin bıledi. Bıyl 6-ret ótken dástúrli  keshke áskerıler birneshe apta daıyndalypty.

Marjan Baıǵazınova, kolej stýdenti: - Bıdiń tóresi váls qoı, sol sebepten árbir jas váls bıleýi tıis. Bul tárbıeleliktiń bir túri dep esepteımin. Elimiz aman, aspanymyz ashyq, jurtymyz tatýlyqta ómir súre bersin!

Erkebulan Qanatov, kolej stýdenti: - Bir jyldyń ishinde 3 ret qatystyq. Daıyndyq jaqsy boldy. Sebebi bılep júrgenimiz birinshi ret emes. Mádenıettilikke, etıketke, bárine úıretetin bı bolyp tabylady. 

Qumar Qusmanov, «Shyǵys» óńirlik qolbasshylyǵynyń aǵa serjanty:  - Áskerı adam tek qana qolyna qarý alyp, qatyp qalǵan tártipke baǵyný emes, sonymen birge ónerden de kende emes. Biz qarýly kúshterdiń árbir jaýyngeri, azamattary Elbasynyń qoıylǵan talaptaryn múltiksiz oryndaýǵa daıynbyz. Qazaqstan Respýblıkasynyń Qarýly Kúshteriniń 25 jyldyǵy qutty bolsyn! Qazaqstan, tek ǵana alǵa degim keledi!
 

Daıyndaǵan: Aıgerim Taýbaı