Nemister bizdiń elde ótetin EHRO qonaqtaryn «elden erek qaıran qaldyrý» úshin  qaýyrt qamdanyp jatyr, dep habarlaıdy Qamshy aqparattyq agenttigi 24.kz-ke silteme jasap.

Bul týraly osy eldiń pavılonyn tanystyrý kezinde Federatıvtik Respýblıkanyń Qazaqstandaǵy elshisi málim etti. Rolf Mafaeldiń aıtýynsha, olardyń kórme alańy kólemi jaǵynan eń úlken pavılondardyń biri bolmaq. Aýqymdy nysan birneshe alańqaıǵa bólingen. Máselen, birinshi zalda álem kartasy kópshilik nazaryna usynylady. Budan bólek, uıymdastyrýshylar qonaqtarǵa arnaıy elektrondy kilt taratpaq. Sol arqyly kez kelgen eksponat týraly málimet alýǵa múmkindik bar. Sondaı-aq pavılonnyń bir bóliginde dúkender ashylady. Onda kelýshilerge nemistiń ulttyq taǵamdary usynylady. Estelik retinde satylatyn kádesyılar da kóp bolmaq.

Andreas Horbelt, kreatıvti dırektor: - Germanıa EHRO alańyndaǵy eń úlken pavılonnyń birine ıe. Sondyqtan nysandy barynsha tartymdy ári kópke paıdaly etip daıyndaýǵa tyrysyp jatyrmyz. Óıtkeni «Bolashaqtyń energıasy» taqyryby bizdiń el úshin de mańyzdy. Germanıa sońǵy 20 jylda energotıimdilik, qorshaǵan ortany qorǵaý salasyndaǵy kúrdeli máselelerdiń kúrmeýin sheshýge atsalysyp keledi. Astanada ótetin aýqymdy sharaǵa aıryqsha ynta-yqylas bildirýimizdiń bir sebebi osy.

Sholýshy: Aıgerim Taýbaı