Almatyda kólik reformasy aıasynda 11,5 mıllıard teńgege 300 jańa avtobýs satyp alý josparlanyp otyr, dep habarlaıdy Qamshy aqparattyq agenttigi Tengrinews.kz tilshisine silteme jasap.

«Biz máslıhattyń kelesi sesıasyna ekonomıkalyq usynys daıyndap qoıdyq. Olardan 11,5 mıllıard teńge surap otyrmyz. 300 jańa avtobýs satyp almaqshymyz. Avtobýstyń tórt kategorıasyn satyp alǵymyz keledi. Ázirshe naqty sheshpedik, bul másele talqylanyp jatyr», - dedi Almaty qalalyq Jolaýshylar kóligi jáne avtomobıl joldary basqarmasynyń basshysy Maqsut Isahov.

Onyń aıtýynsha, 32 - alty metrlik, 45 - 10 metrlik, 200 - 11 metrlik, 20 - 20 metrlik avtobýstardy satyp alý josparda bar. Sondaı-aq, Maqsut Isahov «Almatyelektrotrans» úshin 60 avtoýbstyń satyp alynǵanyn aıtty.