Qytaıda adam sany óte kóp bolǵandyqtan olar Jer ǵalamsharyna syımaı Aıǵa qonys aýdarǵysy keledi dep habarlaıdy Qamshy aqparattyq agenttigi dsnews.ua-ǵa  silteme jasaı otyryp. Qytaı zertteýshileri buryn-sońdy bolmaǵan tájirıbe jasaý ústinde.

Olar Aıdaǵy atmosferaǵa uqsas etip arnaıy jabyq kapsýlada tájirıbe jasady. Olar bul tájirıbe arqyly atmosferaǵa adamdardyń beıimdelýine kómektespekshi. Arnaıy jasalǵan jabyq kapsýlada 4 erikti azamat 200 kún boıy ómir súredi. 

Eriktiler 2 áıel men 2 er adamnan quralǵan. Olar Pekındegi ýnıversıtettiń eń úzdik mamandary eken. Bul tájirıbe «Iýegýn -365» atty arnaıy ataýmen ataldy.

Qytaılyq zertteýshilerdiń aıtýy boıynsha, 2025 jyldan bastap Aıǵa qonys aýdarýǵa bolady eken. Osyǵan uqsas 105 kúndik tájirıbe 2014 jyly da jasalypty. Qytaı azamattarynyń barlyǵy Aıǵa qonys aýdaratyn bolsa Jer ǵalamsharynyń biraz mekeni bosap qalatyn shyǵar.

Sholýshy: Ásel Óteshova