Lın Sleıter  63 jastaǵy áleýmettaný pániniń muǵalimi Nú-Iorktaǵy bedeldi ýnıversıtetterdiń  birinde sabaq bergen. Jýrnalıser ony feshn-ındýstrıanyń adamymen shatastyryp alǵan soń sánbıke bolýǵa sheshim qabyldaǵan dep habarlaıdy  Qamshy aqparattyq agenttigi. Bul oqıǵa Lınmen osydan birneshe jyl buryn óziniń qurbysyn teatr aldynda kútip turǵan kezden bastalǵan. Japondyq eki reporter qasyna kelip ony sýretke túsirýge ruqsat suraǵan.

Onyń sándi kıimi men syrt kelbeti japondyqtardy qyzyqtyrsa kerek. Onyń sánbıke emes ekenin bilgen reporterler oǵan sánbıkelikke barýdy usynǵan. Álgi jýrnalıser qasyna kelgende bir top adamdar da Lınniń janyna jınalyp ony sán áleminde tanymal tulǵa eken dep oılaǵan. Bul týraly Lınniń ózi de tebirenispen eske alady. Osy oqıǵadan keıin áleýmettaný ǵylymynyń profesory óz kásibin aýystyrǵan. Ol jeke blok ashyp úlken jastaǵy adamdarǵa qalaı kórikti, stıldi kıiný kerektigin blogynda túsindire bastaǵan.

Ýaqyt óte kele Lınniń oqyrmandary kóbeıip, oǵan jastardan da, egde jastaǵylardan da masattanǵan oqyrman  hattary kele bastaǵan.

Elite London modeldik agenttigimen kelisimge otyrǵan Lın Sleıter Comme Des Garcons, Mango jáne Valentino sıaqty tanymal brendterdi jarnamalaıtyn beınebaıandarǵa túsken.
Sán áleminde jas erekshelikke baılanysty shekteý bar degen stereotıpti buzǵan Lın kez-kelgen jasta sándi ári kórikti bolyp júrýge bolatynyn dáleldegen. Adamnyń syrt kelbeti men onyń emosıonaldyq jaǵdaıy bir-birimen tyǵyz baılanysty deıdi ol, sándi kıinip symbatty bolyp júrgende  ózimdi jas sezinemin deıdi sánbıke.

Daıyndaǵan: Nazerke MUSA