Ómir tańǵajaıyp oqıǵalarǵa toly. Kúndelikti ómirde adamdar túrli apatty oqıǵalarda aman qalyp jatady. Kóbinese bul jaǵdaılardy kezdeısoqtyq nemese joly bolǵyshtyq dep te atap jatamyz, Alaıda ómirde ólim jazasynan keıin de aman qalǵan adamdar bar eken. Ólim jazasynan keıin aman qalǵan 10 adamnyń tizimin Qamshy aqparattyq agenttigi nazarlaryńyzǵa usynady.
Elızabet Prokterge 1962 jyly «mystan» degen aıyp taǵylyp, ólim jazasyna kesiledi. Sol ýaqytta Elızabet júkti bolǵan. Ólim jazasyna kesiler sátte, onyń moınyndaǵy arqan úzilip ketip jerge qulaıdy. Jurt ony óldi dep oılaǵanymen ol aman qalady.
Djon Genrı Djordj Lı áıelderdi azaptap, óltirgeni úshin ólim jazasyna kesilgen. Onyń moınyna arqan baılap, bıik qorǵannan tómenge 3 ret laqtyrǵan. Alaıda ol belgisiz sebeptermen aman qalǵan.
Ýılám Dýel Londynda jasóspirimderdi zorlaǵany úshin tutqyndalǵan. Onyń qasynda 4 dosy bolǵan. Olardyń barlyǵyna ólim jazasy taǵaıyndalypty. Olardy óldi dep oılaǵan dárigerler ony hırýrgıalyq tekserýden ótkizedi. Alaıda dárigerlerdiń biri Ýılámnyń tynys alyp jatqanyn baıqaıdy.
Zoleıhad Kadhoda kúıeýiniń kózine shóp salǵandyǵy úshin ólim jazasyna kesiledi. Shyǵys elderindegi dástúr boıynsha kúıeýiniń kózine shóp salǵan áıelderdi taspen atqylap óltirgen. Bul áıelge turǵyndardyń barlyǵy tas laqtyryp, óldi dep máıithanaǵa aparǵanda ol tiri bolyp shyǵady.
Vınselao Mıgel Meksıka elindegi revolúsıa kezinde tutqyndalǵan. Ol atý jazasyna kesilipti. Oǵan 9 - oq atylǵannan keıin, ol aman qalyp, qashyp ketken. Keıinnen ol uzaq ómir súripti.
Djon Smıt birneshe úı men bank tonaǵany úshin ólim jazasyna kisildi. Onyń moınyna arqan baılap óltirmekshi bolǵan isteri júzege aspaıdy. Keıinnen ol aman qalyp, biraz jyl ómir súredi.
Anna Grın óziniń bastyǵynan júkti bolyp qalady. Ol sábıin dúnıege ákelgennen keıin óltirip alady. Anna sábıiniń máıitin jasyrǵysy kelgenmen báribir tutqyndalady. Ol ólim jazasyna kesilip, adamdar jerge kómip jatqan kezde adamdar áıeldiń tynys alyp jatyrǵanyn baıqaıdy. Keıin ony dereý aýrýhanaǵa jetkizedi.
Iosıf Samýıl birneshe adamdy óltirip, tonap ketkeni úshin tutqyndalǵan. Ol asý arqyly ólim jazasyna 3 ret kesilgen. Alaıda ol tiri qalady. Onyń moınyna baılanǵan arqan úzilip qala bergennen keıin ony ómir boıy bas bostandyǵynan aıyrý jazasyna kesilgen.
Meggı Dıksonnyń kúıeýi qaıtys bolǵan. Ol kúıeýinen aırylǵan soń óziniń jańa týǵan sábıin ózenge laqtyryp jiberedi. Keıinnen ol tutqyndalyp, ólim jazasyna kesilgen. Ony kómetin kezde, tabyttyń ishinen daýys shyqqan. Meggı tiri qalyp sol ýaqyttan keıin 40 jyl ómir súripti.
Vıllı Frensıs 16 jasynda dárihana qyzmetkerin óltirgendigi úshin ólim jazasyna kesilgen. Ony elektr ústeli arqyly óltirý týraly buıryq shyqqanymen ol tiri qalǵan.
Daıyndaǵan: Ásel Óteshova
