Morgan, Lewis & Bockius atty zańgerlik kompanıa biraz ýaqyt buryn Tramptyń salyqqa baılanysty jumystarymen aınalysqan. Alaıda 2016 jyly Londondaǵy basylym boıynsha atalǵan kompanıa Reseıdegi eń úzdik zańgerlik kompanıa bolyp eseptelingen bolatyn. Osyǵan baılanysty sheteldik BAQ ókilderi Tramptyń Reseıde jeke ofısi bar dep kúdiktenip otyr. Bul týraly Qamshy aqparattyq agenttigi habarlaıdy.

Kompanıanyń seriktesteri Sherı Dıllon men Ýılám Nelson 2005 jyly Tramptyń keńesshisi bolyp jáne onyń jeke fırmasynda salyqqa baılanysty jumys atqarǵan.

Osy jyly olar Aq úıde jarıalanǵan hattamany daıyndaǵan eken. Sheteldik BAQ ókilderiniń aıtýy boıynsha, atalǵan qujatta sońǵy 10 jylda AQSH pen Reseı prezıdentteriniń arasynda eshqandaı baılanys bolmaǵandyǵy jóninde jazylypty. Zańgerlik kompanıanyń basshysynyń aıtýy boıynsha olar Reseıde jumys jasaǵan kezde Tramppen eshqandaı baılanys ornatpaǵan eken.

Sholýshy: Ásel Óteshova