Eger siz Sherlok Holmsty nemese ol turǵan Beıker Strıt atty kósheni bilmeıtin adam bar dep aıtsańyz biz oǵan sene almas edik. Bul keıipker burynnan tanymal bolyp kóptegen avtorlardyń keıipkerine aınalǵan. Sonyń ishinde Konan Doıl atty jazýshynyń Sherlok Holms týraly áńgimelerindegi oqıǵalardy shynaıy ómirde bolǵan dep oılaısyz. Bul shyǵarmada adamnyń oıyna kirip-shyqpaıtyn baıandaýlar men oqıǵalar bar.
Shyǵarmanyń qaı jeri bolǵan, qaı jeri oıdan shyǵarylǵan oqıǵa ekenin bile almaısyz. Ózińiz oılap kórińiz, árbir 5- brıtandyq adam Sherlok Holms ómirde bolǵan dep oılaıdy, al qalǵandary onyń ómirde bolǵanyn qalaıtyny da jasyryn emes.
Ony ómirde bolǵan dep esepteýniń sebebiniń biri oǵan arnalyp salynǵan murajaı bolyp tabylady. Konan Doıl Sherlok Holms týraly jazǵan kezde Beıker Strıttegi úıdiń nómirleri 100- ben aıaqtalǵan. Eske sala ketetin bolsaq Sherlok Beıker Strıttegi 221b nómirli úıde turǵan. Bul úı negizinen 239 nómirli eken, tek shyǵarmada úıdiń nómiri ózgertilgen. Atalǵan úıdiń shynaıy ıesi osyǵan baılanysty kóp máselelerge tap bolǵan eken.
Bul úıde turǵan Abbey National atty qurylys kompanıasy Sherlok Holmsqa kelgen hattardy jınaqtaý úshin arnaıy qyzmetker jaldaǵan eken. Sebebi hattardyń sany óte kóp bolǵan. Atalǵan jerde qazirgi kezde Sherlok Holmastyń murajaıy ornalasqan.
Metronyń janynda Sherlok Holmsqa arnalǵan eskertkish bar.
Sol jerdi anyqtap qarasańyz baǵdarshany kóresiz. Sol arqyly júrip otyrsańyz murajaıǵa jetesiz. Eger siz murajaı ashylǵan ýaqytta nemese jabalaıyn dep jatqanda kelseńiz jalǵyz ózińiz asyqpaı kórýińizge múmkindik bolady. Sonymen birge jańbyrly kúni kelip aralasańyz da keremet áser alyp shyǵasyz.
Sherlok Holmastyń úıi 1815 jyly salynǵan. Barlyq bólmeleri Konan Doıl sýrettegendeı jasalǵan. Birde bir zat kezdeısoqtyqtan ornalaspaǵan. Sonymen birge murajaıda Sherloktyń rólin somdaǵan akter Lıvanovtyń sýreti de bar. Vasılıı Lıvanov 2006 jyly Brıtandyq ımperıanyń ordenimen marapattalǵan eken.
Anglıanyń patshaıymy sovet kezindegi Sherlok Holms týraly bul kıno týyndyny eń úzdik ekenin aıtyp moıyndaǵan. Sondyqtan bolar, bul murajaıda Sherlok Holms pen dáriger Vatsonnyń shytyrman oqıǵasy kınofılmindegi mýzyka qoıylyp turady.
Murajaı 4 qabattan turady. Birinshi qabatta sývenırler satyp alýǵa bolady, bılet satatyn kasa ornalasqan.
Ekinshi qabatta qonaq bólme, Sherloktyi jatyn bólmesi bar. Bul murajaıdy salǵan adamdardyń biraz ter tókkenderi baıqalyp tur. Sherloktyń skrıpkasy men Dáriger Vatsonnyń revolveri, sonymen birge hımıalyq laboratorıany da kórýge bolady. Murajaıda kresloda otyryp janyp turǵan kamınanyń qasynda jylynyp(kamına) alýǵa da bolady. Sherlok Holmstyń nemese dáriger Vatsonnyń bas kıimderin kıip sýretke túsýge bolady. Bul sýretke barlyq tanystaryńyzdyń qyzyǵa da qyzǵana da qaraıtyny anyq. Aıta ketetin bolsaq sýretke nemese vıdeoǵa túsý tegin.
Úshinshi qabatta Sherlok Holmstyń eń jaqyn dosy men kómekshisi bolǵan dáriger Vatson men mısıs Hadsonnyń bólmeleri ornalasqan. Dáriger Vatsonnyń jatyn bólmesinen medısınaǵa baılanysty birneshe kitaptardy kóre alasyz.
Tórtinshi qabatta alǵashynda ájethana men qoıma ornalasady dep josparlanǵan. Biraq Sherlok týraly týyndydaǵy basqa da keıipkerlerge arnalǵan estelikter bar. Bul qabattan Iren Adler, dáriger Roılotta jáne de kópke belgili Morıartı men qabyrǵaǵa ilingen Baskervıleı atty ıttiń basyn kórýge bolady.
Sóz sońynda aıtarymyz eger siz ataqty Sherlok Holmsty jaqsy kóretin bolsańyz atalǵan murajaıǵa baryp aralaýdy usynamyz. Bul murajaıdy aralap siz keremet áser men estelikterge ıe bolasyz.
Daıyndaǵan: Ásel Óteshova
