Dúnıejúzine tanymal bolýdy armandaıtyndar bar. Alaıda Qamshy aqparattyq agenttigi nazarlaryńyzǵa usynyp otyrǵan adamdar olardyń qatarynan emes. Olardyń keıbiri fızıkalyq jetispeýshiliginiń arqasynda tanylsa, endi biri jantúrshigerlik apattan keıin tiri qalyp halyqqa belgili boldy.
Karlos Rodrıges óz aqymaqtyǵynyń arqasynda zardap shekti. Ol alkogóldi ishimdikke sylqyıa toıyp, esirtki paıdalanyp kólikke otyrǵan. Sonyń nátıjesinde iri jol apaty boldy. Karlos Rodrıges kóliktiń aldyńǵy terezesinen ushyp shyǵyp, basymen asfáltqa urǵan.
Pol Karason kók tústi bolyp týylmaǵan. 15 jyl buryn teriniń qabynýyn koloıdty kúmispen emdemek bolyp, nátıjesinde argırıa bolǵan. Adam aǵzasynda úzaq ýaqytqa kúmis jınalsa deneniń túsi kógildir túske enedi. Kók tústi adam 62 jasynda júrek talmasynan qaıtys boldy.
Bıllı Oýen mehanık bolyp jumys istegen. Ol onkologıalyq aýrýǵa shaldyqqanda, ómiri tolyǵymen ózgerdi. Rak jasýshalary muryn qýysynda órshı túskendikten dárigerler betiniń oń jaq bóligindegi kóz almasymen qosa nerv júıesin jáne mýskýldardy alyp tastady.
Bir kózimen Bıllı Oýen burynǵy jumysyn isteı almaıdy. Alaıda qazir Bıllıdi rejıserler qorqynyshty fılmderde zombıdiń rolin oınaýǵa kóptep usynys jasaıtyn bolǵan. Ony shoý baǵdarlamalarǵa da jıi shaqyrady.
Daıyndaǵan: Ásem Álmuhanbet
