Taldyqorǵan qalasynyń qutqarý qyzmeti sońǵy eki táýlik boıy eki jastaǵy qyzdy izdestirý jumystaryn atqarýda dep habarlaıdy Qamshy aqparattyq agenttigi zakon.kz-ke silteme jasap.

Eki jastaǵy qyz  13 mamyr kúni Qaratal men Balyqty aýdandary aralyǵynda joǵalyp ketken. Joǵalǵan balanyń anasynyń aıtýy boıynsha, qyz az ýaqytqa ǵana qaraýsyz qalǵan. Bastapqyda áıel qyzdy ózim izdep taýyp alam dep oılasa kerek, keıinirek bul izdestirýge joǵalǵan qyzdyń ákesi de qosylǵan. İzdestirý barysynda qyzdyń bir aıaq kıimi Balyqty ózeniniń boıynan tabylǵan. Al ekinshi aıaq kıimin sýdyń ishinen tapqan.

Qazirgi ýaqytta balany izdestirý jumystarymen polısıa qyzmetkerleri men qutqarýshylar aınalysýda.

«İzdestirý jumystaryna oblystyq Tótenshe Jaǵdaı Departmenti  qosyldy. Qajetti tehnıka qaıyq t.b qamtamasyz etilýde. Balyqty ózeniniń aınalasy qaralǵan. Qazir Qaratal ózeniniń boıynda izdestirý jumystary júrgizilýde»-deıdi  oblystyq TJD-niń baspasóz hatshysy Azamat Jurtbaev.

Sholýshy: Nazerke MUSA