Qaraǵandy qalasynyń ońtústik-shyǵysynda Rubicon meıramhanasynyń mańynda jaıaý júrginshilerge arnalǵan jolda taksı júrgizýshisi eki qyzdy qaǵyp ketti. Zardap shekken qyzdardyń biri oblystyq medısınalyq ortalyqta búgin túnde qaıtys boldy, - dep habarlaıdy Qamshy aqparattyq agenttigi Tengrinews.kz basylymyna silteme jasap.
"1997 jylǵy qyz oblystyq medısınalyq ortalyqqa aýyr halde tústi. Onyń bassúıegi ashyq túrde jaraqat alǵan, bassúıek mıy qatty zaqymdalǵan. Túnde ol komaǵa túsip, esin jımastan qaıtys boldy", - dep habarlady oblystyq densaýlyq saqtaý basqarmasy baspasóz qyzmetiniń ókili Aıjan Isa.
Zardap shekken ekinshi qyzǵa qazirgi ýaqytta esh qaýip joq. 19 jastaǵy qyz Maqajanov atyndaǵy klınıkada jatyr, onyń aıaǵy synǵan.
Oblystyq İİD málimetinshe, oqıǵa 15 mamyrda keshki saǵat ondar shamasynda bolǵan.
"Jol-kólik oqıǵasy deregine qatysty QR Qylmystyq kodeksiniń 345-baby 3-bóligi boıynsha sotqa deıingi tergeý sharalary júrgizilip jatyr. BMW markaly kóliktiń júrgizýshisi tizginge ıe bola almaı, eki jolaýshyny qaǵyp ketken. Júrgizýshi ýaqytsha ustaý ızolátoryna qamaldy", - deıdi oblystyq İİD baspasóz qyzmetiniń ókili Baqytjan Qudıarov.
Oqıǵa ornynda kýágerler túsirgen sýretter boıynsha, jol-kólik oqıǵasynyń saldarynan avtokólik aýdarylyp qalǵan. Quqyq qorǵaý organdarynyń mamandary oqıǵanyń mán-jaıyn anyqtap jatyr.
Taksı parkiniń basshylyǵy oqıǵa bolǵan ýaqytta óz qyzmetkerleriniń jumys ýaqytyn aıaqtap, úıine qaıtyp bara jatqanyn málimdedi.
"Biz áli onymen kórisip, sóılesken joqpyz, sebebi oqıǵa túngi ýaqytta bolǵan. Bul jas jigit bizde istep jatqanyna kóp bolǵan joq. Qyzdardyń ózderi jolǵa atyp shyqqan bolýy múmkin, men bilmeımin. Barlyǵyn jiti anyqtaý qajet", - dedi taksı qyzmetindegiler.
