«Qazaqstan Halyq Banki» AQ Basqarma Tóraǵasy Úmit Shaıahmetova 2017 jylǵy 1-toqsannyń qorytyndysy boıynsha «Qazaqstan Halyq Banki» AQ biriktirilgen qarjylyq nátıjeleri týraly aıtyp berdi, dep habarlaıdy Qamshy aqparattyq agenttigi.
«2017 jylǵy 1-toqsannyń aıaǵynda, Qazaqstan Halyq Banki Qazaqstanda aktıvteri men menshikti kapıtalynyń mólsheri boıynsha № 1 bank bolyp tabylady. Qazirgi belgisiz ekonomıkalyq jaǵdaıda Qazaqstan Halyq Banki esepti kezeńde tamasha nátıje kórsetti: 38,5 mlrd kóleminde taza tabys alyndy, ol ótken jylmen salystyrǵanda 68 %-ǵa joǵary, bank kapıtaly mınımaldy normatıvti talaptardan áldeqaıda joǵarylady, tólempazdyq boıynsha aktıvterdiń ortaq kólemi – 47,5%-dy qurap, turaqty kúıinde qaldy. Bul bankke mamyr aıynyń basyndaqosymsha qaryz alý nemese qaıta qarjylandyrýdyń qajetinsiz, banktiń óz esebinen 638 myń AQSH dollary kóleminde 10 jyldyq eýrooblıgasıalardy tolyq óteýge múmkindik berdi. Qazaqstan Halyq Banki bólshek saýda, shaǵyn jáne orta bıznes, ekonomıkanyń naqty sektoryn nesıeleý sıaqty negizgi prınsıpterimizge negizdelgen damý strategıamyzdy dáıekti túrde iske asyramyz», - dep málimdedi Úmit Shaıahmetova.
Sondaı-aq, Basqarma Tóraǵasy Qazkomdy satyp alý prosesiniń qalaı júrip jatqandyǵy jaıynda da sóz ozǵady. Onyń aıtýynsha, Qazkom aksıalaryn 22,9 mlrd teńgege ornalastyrý nıette, bul kórsetkish aǵymdaǵy kólemnen 22 esege artyq.
«Mámilege saı Halyq Banki bul aksıalardy satyp alýǵa qatysady. Eger kelisim aıaqtalsa, Halyq Banki Qazkomdy satyp alady, al bul tek aksıalary satyp alǵannan keıin júzege asýy múmkin», - dedi Shaıahmetova.
Iaǵnı kelisim sátti aıaqtalsa, Kazkommersbank Halyq Bankiniń enshiles uıymy bolyp shyǵady. Alaıda, qıyndyqtarǵa baılanysty mámileniń aıatalý merzimi keıinge qaldyrylýda.
«Biz mamyrdyń aıaǵynda bári naqtylanady dep kútken edik. Biraq belgili bir operasıalyq júıelerge baılanysty, bastapqy merzim keıinge qaldyryldy. Biz jaýabyn almaǵan suraqtar áli de bar», dedi ol.
Odan bólek, Shaıahmetova «Altyn banktiń» aksıalarynyń 60%-yn qytaı bankine satý týraly da aıtyp berdi. Bul kelisimshartqa 2017 jyldyń ekinshi jartysynda qol qoıylady.
2017 jyldyń 1-toqsanynda «Qazaqstan Halyq Banki» AQ aktıvteri 01.01.2017 jylmen salystyrǵanda teńge baǵamynyń AQSH dollaryna qatysty valúta balans baptaryn qaıta nyǵaıtýńa baılanysty esebinen 2017 jyldyń 1-toqsanynda 2,8%-ǵa tómendep, 5201 mlrd teńgeni qurady.
2016 jyldyń 1-toqsanymen salystyrǵanda Qazaqstan Halyq Bankiniń taza kiris mólsheri 67,9%-ǵa ósip, 38 mlrd teńgeni qurady.
Qamshyger: Gúlim Jaqan
