Erdoǵan men Tramptyń qatysýymen pres-konferensıa ótti dep habarlaıdy Qamshy aqparattyq agenttigi news.rambler.ru-ǵa silteme jasaı otyryp. Atalǵan pres-konferensıa kezinde Tramp AQSH pen Túrkıa memleketiniń arasyndaǵy burynǵy dostyq qatynas týraly aıtyp, sóz bastady.
«Túrkıa komýnızmge qarsy qyrǵı-qabaq soǵysta AQSH-qa qorǵan bola bilgen edi»,- dedi Tramp.
Sonymen birge Tramp AQSH pen Túrkıa eliniń áskerı tarıhy týraly da aıtyp ótti. Ol amerıkalyq general Dýglastyń AQSH-tyń Koreıa eline joryǵy kezindegi túriktermen odaqtas bolǵany men túrik áskeriniń álemdegi eń uly ásker boldy degen sózin de mysal retinde keltirdi.
Keıinnen Tramp Túrkıa memleketine DAISH-qa qarsy soǵys kezinde kómek kórsete alatynyn jetkizdi.
Erdoǵan bolsa sóz basynda Trampty resmı túrde saılaýdaǵy jeńisimen quttyqtady. Sonymen birge tarıhtaǵy AQSH pen Túrkıa elderiniń odaqtastyǵyna biraz ýaqyt toqtalyp ótti. Túrkıa basshysy AQSH-pen tek soǵysqa baılanysty ǵana emes basqa da salalardaǵy qarym-qatynasty damytýdy usyndy.
Eki memleket basshysynyń arasynda bolǵan bul kezdesýdiń sátti bastalýy kópshilikti tańqaldyrdy. Esterińizge sala ketetin bolsaq, Túrkıa men AQSH-tyń arasynda sońǵy birneshe aıda biraz kıkiljińder oryn alǵan bolatyn.
Bul kezdesý tek 20 mınýtqa sozylǵan. Memleket basshylarynyń qandaı betperde kıip otyrǵandyǵy ázirge belgisiz. Bul kezdesý barysynda Tramp pen Erdoǵan belgili bir saıasat qoldanyp otyrǵany anyq.
Sholýshy: Ásel Óteshova
