Kez kelgen ana óziniń balasy úshin jan qıarlyq áreketke barady. 33 jastaǵy Djessıka Arrendal esimdi jas ana 6 aılyq balasyn maskúnem ákesinen qutqaramyn dep kóz jumdy, dep habarlaıdy Qamshy aqparattyq agenttigi sheteldik BAQ-qa silteme jasap.

Polısıa qyzmetkerleri Djessıka men onyń kúıeýi Antýan Devıstiń úıine jedel qońyraýdan soń kelip jetken. Degenmen olar oqıǵa ornyna dereý jetkenimen, 14 saǵat boıy úıdiń ishine kire almaǵan. Aqyr aıaǵynda úıdi túgelimen qorshaýǵa alyp, basa kóktep kirýge májbúr boldy. Polısıa qyzmetkerleri úıge kirgen kezde onda eki adamnyń máıiti tabylǵan: biri jas ana Djessıka bolsa, ekinshisi onyń kúıeýi Antýannyń denesi jáne de ájethanada 6 aılyq bala bolǵan.

Belgili bolǵandaı, úıde óte qaıǵyly jaǵdaı oryn alǵan eken. Djessıka Arrendal óziniń 6 aılyq Kobı esimdi qyzymen úıinde otyrǵan kezde onyń kúıeýi, teńiz korpýsynyń qyzmetkeri Antýan Devıs ólerdeı mas bolyp kelip, áıeli Djessıkaǵa tap bergen.

Ony qorqytyp, barlyq úıdi aınala qýalaǵan. Qolynda balasy bar áıel úshinshi qabatqa kóterilip, beısbol bıtasyn ustap alyp qashqan. Alaıda ony kúıeýi alyp qoıyp olardy soqqyǵa jyǵa bastaǵan.

6 aılyq balany qolyna ustaǵan áıel jýynatyn bólmege baryp jasyrynǵan. Sol kezde Devıs vıntovkany alyp, jýynatyn bólmege basa-kóktep kirip, jas ananyń basyna atyp jibergen.

Djessıka ólip bara jatyp, qolyndaǵy sábıin ájethanaǵa otyrǵyzyp, denesimen jaýyp, qutqaryp qalǵan. Nátıjesinde 6 aılyq búldirshin aman qaldy.

Kobıdiń ájesi, marqum Djessıkanyń anasynyń aıtýynsha, Devıs áıeli men balasyn óltirmek bolǵan. Alaıda mas bolǵandyqtan ájethanada otyrǵan balasyn kórmeı qalǵan. Ol jýynatyn bólmeden shyǵyp, balasynyń bólmesine baryp óz-ózin atyp óltirgen.

Qazirgi tańda búldirshin emdeý kýrstaryn qabyldap jatyr. Tekserý barysynda balanyń basyna soqqy tıgendigi anyqtaldy.

Al mynaý - Antýan Devıstiń birinshi áıelimen túsken fotosy.

Daıyndaǵan: Nazerke Labıhan