2017 jylǵy 18 mamyrda QR Memlekettik hatshysy G.N.Ábdiqalyqova QR Ulttyq mýzeıinde Saýd Arabıasynyń Koroli Feısal ıbn Abdýl-Ázız ál-Saýdtyń ómiri men qyzmetine arnalǵan «Ál-Feısal: Ádildik jáne batyldyq joly» atty kórmeniń ashylýyna qatysty.

Bul is-sharanyń uıymdastyrýshysy – Koról Feısal atyndaǵy Islamdy zertteýler ortalyǵy. Ol 1983 jyly álemdik tarıhta Islamnyń orny men rólin zerdeleý, ıslam qundylyqtaryn, musylman mádenıeti men ónerin ilgeriletý maqsatynda qurylǵan jáne atalǵan eldegi iri ǵylymı jáne mádenı-bilim berý ortalyqtarynyń biri bolyp tabylady.

Kórmeniń resmı ashylý saltanatyna  sondaı-aq QR Prezıdenti Keńsesiniń bastyǵy Mahmut Qasymbekov, QR Mádenıet jáne sport mınıstri Arystanbek Muhamedıuly, Saýd Arabıasy Koroliniń keńesshisi, Koról Feısal atyndaǵy Islamdy zertteýler ortalyǵynyń basqarma tóraǵasy, hanzada Túrkı ál-Feısal ál-Saýd, Feısal ortalyǵynyń aýqymdy delegasıasy, Qazaqstandaǵy Saýd Arabıasy Koróldigi elshiliginiń, kópshilik jáne BAQ ókilderi qatysty.

QR Memlekettik hatshysy Gúlshara Ábdiqalyqova jáne hanzada Túrkı ál-Feısal ál-Saýd quttyqtaý sóz sóıledi.

Sóz sóıleýshiler mundaı kórme TMD boıynsha alǵash ret uıymdastyrylyp otyrǵanyn atap ótti. Ekspozısıa saýd qoǵamy ómiriniń barlyq salasyna yqpal etken aýqymdy reformalardy bastap bergen Korol Feısal basqarǵan (1964-1975 jj.) Saýd Arabıasynyń ótken kezeńine arnalady.

Kórmede sırek kezdesetin tarıhı jádigerler jáne Korol Feısaldyń jeke zattary: sýyq qarý túrleri, nagradalary, arhıvtik qujattar, fotografıalar jáne basqalary tanystyryldy.

İs-shara barysynda sondaı-aq qazaq jáne orys tilderinde jaryq kórgen «Ál-Feısal: Ádildik jáne batyldyq joly» atty kitap kópshilik nazaryna usynyldy.

İs-shara barysynda sondaı-aq qazaq jáne orys tilderinde jaryq kórgen «Ál-Feısal: Ádildik jáne batyldyq joly» atty kitap kópshilik nazaryna usynyldy.