Almatyda Túrkisib aýdanynyń polısıa qyzmetkerleri jeńil júrispen aınalysatyn 193 qyzǵa aıyppul saldy. Aıyppul kólemi  2 mln. teńgeni  qurap otyr, dep habarlaıdy Qamshy aqparattyq agenttigi jergilikti jerdiń İshki İster Basqarmasynyń málimetine súıenip.

Jeńil júristi qyzdardyń óz isterimen aınalysatyn oryndary belgili boldy.  39 páter men 8 qonaqúı anyqtaldy.

«Jergilikti jerdiń polısıa qyzmetkerleri kezekti tekserý jumystaryn júrgizdi. Tekserýdiń alǵashqy saǵatynan-aq  jezókshelikpen aınalysatyn 40 qyz ustalyp, İshki İster Basqarmasyna tapsyryldy. Sol túni bizdiń basty nazarymyzda Seıfýllın dańǵyly boldy. Seıfýllın dańǵylynyń boıyndaǵy «Nur» qonaqúıinde túngi ómir qyzyp jatqan.  Kólik jýý ortalyǵynyń birinshi qabatyndaǵy bólmeler men qyzdarǵa únemi jalǵa beriletin páterler anyqtaldy . Qyzdardyń jezókshelikpen aınalysýy úshin arnaıy salynǵan  jekemenshik úıler de belgili boldy. Bul jerler sot sheshimi boıynsha jabylady», dep málimdedi Túrkisib aýdany İshki İster Basqarmasynyń jergilikti polısıa bastyǵy Farhat Sbanbaev.

Sholýshy: Aıgerim Taýbaı